ასტიონ კობერიძე

დაბადების ადგილი: სოფელი ხიმში, ამბროლაურის რაიონი.

დაამთავრა ქალაქ თბილისის საფაბრიკო-საქარხნო სკოლა, თბილისის საინჟინრო ინსტიტუტი; შინსახკომის სკოლა 1939 წელს.

1939 წელს სიმფეროპოლში დაინიშნა ოპერატიულ მუშაკად, საიდანაც დასავლეთ უკრაინაში მიავლინეს სამუშაოდ; 1941-1945წწ. მოქმედ არმიაში იმყოფებოდა, იბრძოდა სამხრეთ-დასავლეთის, სტალინგრადის, ამიერკავკასიის, ჩრდილოკავკასიისა და ყირიმის ფრონტებზე, სადაც დაიმსახურა ი. ბ. სტალინის ექვსი მადლობა, დაჯილდოებულია ოთხი ორდენით, ორი საბრძოლო და 18 სხვადასხვა მედლით; 1945-1954წწ. მუშაობდა ქ. ქუთაისსა და ქ. ბათუმში განლაგებულ სამხედრო ნაწილებში; 1954-1960წწ. ხულოს რაიონის უშიშროების განყოფილების უფროსი; 1964-1968წწ. ქ. თბილისის ოქტომბრის რაისაბჭო, აღმასკომის მდივანი, აღმასკომის თავმჯდომარის მოადგილე; 1972-1976წწ. თბილისის ზღვის კულტურისა და დასვენების პარკის დირექტორი, ხოლო შემდეგ წლებში თბილისის აღმასკომის კულტურისა და დასვენების პარკების მუშაობას ხელმძღვანელობდა. უშიშროების სამსახურის პოდპოლკოვნიკი. ივანე კობერიძის ძმა

წყარო: ჩვენი რაჭა / ირაკლი დვალი.-თბ.,2008.-გვ.215

• ბუნების წიაღში : დოკუმ. ნარკვევები (ავტორი). - თბილისი, საბჭოთა საქართველო, 1981. - 147გვ.
• უშიშარი მესაზღვრეები : ნარკვევი (ავტორი). - თბილისი, საბჭოთა საქართველო, 1971. - 121გვ.
• ასე ვიბრძოდით : სამამულო ომის მონაწილის ავტობიოგრ. მხატვ. ნარკვევი (ავტორი). - თბილისი, საბჭ. საქართველო, 1964. - 145გვ.