თამარ ბაგრატიონი

დაიბადა სამხედრო პირის, ალექსანდრე ბაგრატიონისა და ნინო ყიფიანის (დიმიტრი ყიფიანის შვილიშვილი, კონსტანტინე ყიფიანის შვილი) ოჯახში. დედის გარდაცვალების შემდეგ 8 წლის თამარ ბაგრატიონი (როგორც სახლში ეძახდნენ ჯოია), მათხოვრის ძონძებში გადაცმული იძულებით გააპარეს საქართველოდან, რადგან საქართველოში დარჩენა მისთვის სახიფათო იყო. მას მფარველობდა ნათლია – დედოფალ ვიქტორიას ახლო ნათესავი, ბრიტანეთის ცნობილი სახელმწიფო მოღვაწის ლორდ ჯორჯ კერზონის (1859-1925) (დიდი ბრიტანეთის ცნობილი სახელმწიფო მოღვაწე, 1919-1924 წლებში ინგლისის საგარეო საქმეთა მინისტრი, საბჭოთა რუსეთის წინააღმდეგ ინტერვენციის ერთ-ერთი ორგანიზატორი) მეუღლე. თამარ (ჯოია) ბაგრატიონმა შვეიცარიაში დაამთავრა ფრანგული ფილოლოგიის ფაკულტეტი, შემდეგში ცოლად გაჰყვა წარმოშობით ფრანგ შვეიცარიელს, გვარად მორონს. ბოლო წლებში ქ. ლოზანაში ცხოვრობდა მორონ-ყიფიანის გვარით. გარდაიცვალა 2005 წელს, მოხუცთა თავშესაფარში. 

წყარო: დიმიტრი ყიფიანი და მისი შთამომავალნი : ფოტოალბომი : მასალები ექვსი თაობის საოჯახო არქივიდან /მიქაძე, თამარ, პროექტის ავტორი.-თბ.,2016გვ.87-91