ცისანა გაბუნია

დაბადების ადგილი: სოფელი ჩხორია, ზუგდიდის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1971 წელს.

1971-1972წწ. გაიარა ინტერნატურა ზუგდიდის რაიონულ საავადმყოფოში; 1972-1977წწ. კურორტ ცაიშის ექიმი-ორდინატორი; 1977 წლიდან ზუგდიდის მრავალპროფილიანი კლინიკური საავადმყოფო "რესპუბლიკა" - ექიმი ანესთეზიოლოგი; წლების მანძილზე გამოძახებით ემსახურებოდა რაიონების: წალენჯიხის, ხობის, ჩხოროწყუს ქირურგიულ სამსახურებს, როგორც გამოცდილი ანესთეზიოლოგი; 1983 წლიდან არის ზუგდიდის მრავალპროფილიანი კლინიკური საავადმყოფო "რესპუბლიკა"-ს რეანიმატოლოგიური განყოფილების გამგე; 2007 წლიდან ამავე საავადმყოფოს კრიტიკული მედიცინის დეპარტამენტის დირექტორი; მას მრავალგზის აქვს გავლილი თავისი სპეციალობის ასამაღლებელი კურსები და მიღებული აქვს სათანადო სერთიფიკატები: "კრიტიკულ მედიცინასა" (2002) და "ანესთეზიოლოგიაში" (2003). პრაქტიკოსი ექიმი-ანესთეზიოლოგი, ჯანდაცვის ორგანიზატორი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.857-858

• საქართველოს რეანიმატოლოგთა ასოციაცია, წევრი
• საქართველოს რესპირატორთა ასოციაცია, წევრი