ლუარა კახიანი

დაბადების ადგილი: სოფელი საჯავახო, სამტრედიის რაიონი.

დაამთავრა თბილისის სახელმწიფო სამედიცინო ინსტიტუტის სანჰიგიენური ფაკულტეტი 1971 წელს.

1971-1976წწ. სამტრედიის რაიონის სანიტარულ-ეპიდემიოლოგიური სადგურის ექიმი-ეპიდემიოლოგი; 1976-1986წწ. რაიონული სანეპიდსადგურის მთავარი ექიმი; 1986 წლიდან აკადემიკოს იუსტინე ჯანელიძის სახელობის სამტრედიის მოზრდილთა პოლიკლინიკის შპს "მკურნალი"-ს დირექტორი; მან ექიმთა დახელოვნების სახელმწიფო ინსტიტუტში მრავალგზის გაიარა კვალიფიკაციის ასამაღლებელი კურსები: სოციალური ჰიგიენა და სანიტარულ-ეპიდემიოლოგიური ორგანიზაცია სანეპიდსადგურის მთავარი ექიმებისთვის (1977), სანიტარიისა და ჰიგიენის სამკურნალო პროფესიული დახმარების მართვის ორგანიზაციის აქტუალური საკითხები პოლიკლინიკის მთავარი ექიმებისთვის (1987), საექიმო შრომითი კომისიის აქტუალური საკითხები (1994); გაიარა, ასევე, უწყვეტი სამედიცინო განათლების მოკლევადიანი კურსები (2003, 2006). იგი დასაქმებული იყო ადგილობრივი თვითმმართველობის ორგანოებში - იყო ადგილობრივი საბჭოს დეპუტატი, წლების განმავლობაში ხელმძღვანელობდა ქალთა რაიონულ საბჭოს; მოსახლეობის ჯანმრთელობის დაცვისა და სანიტარულ-ეპიდემიოლოგიურ სამსახურში ნაყოფიერი მუშაობისთვის მიღებული აქვს საკავშირო ჯანმრთელობის დაცვის მინისტრის მადლობა (1983), მრავალი მადლობა სამტრედიის რაიონული და სამედიცინო ხელმძღვანელობისაგან. სამტრედიის ამბულუტორიული ცენტრ "ჯეო ჰოსპიტლის" მენეჯერი. ექიმი-ეპიდემიოლოგი, ჯანდაცვის ორგანიზატორი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ. 859-860