ოთარ ბახუტაშვილი

დაბადების ადგილი: ქ. ყვარელი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს. 

1973-1974წწ. რუსთავის ქალაქის საავადმყოფოს ინტერნატურის კურსდამთავრებული ქირურგიაში; 1974-1976წწ. ყვარლის რაისაავადმყოფოს გადაუდებელი დახმარების ექომი-ქირურგი და ექიმი-ონკოლოგი; 1977-1982წწ. აქვე გადაუდებელი დახმარების ქირურგი; 1982-1984წწ. თბილისის სახელმწიფო სამედიცინო ინსტიტუტის ზოგადი ქირურგიის კათედრის ორდინატორი; 1984-1992წწ. ყვარლის რაიონული საავადმყოფოს ქირურგიული განყოფილების ექიმი-ორდინატორი; 1992 წლიდან აქვე ქირურგიული განყოფილების გამგე; სხვადასხვა წლების განმავლობაში აიმაღლა კვალიფიკაცია თბილისის ექიმთა დახელოვნების სახელმწიფო ინსტიტუტში: მკერდის ღრუს ორგანოების ქირურგიაში (1977); სისხლძარღვთა ქირურგიაში (1979); მუცლის ღრუს ონგანოების ქირურგიაში (1982); ქ. თბილისის მე-3 კლინიკური საავადმყოფოს ენდოსკოპიური განყოფილების ბაზაზე შეისწავლა კუჭ-ნაწლავის ტრაქტის ენდოსკოპიური გამოკვლევისა და მკურნალობის მეთოდები: ეზოფაგოსკოპია, გასტროსკოპია, დუედენოსკოპია, წყლულების ადგილობრივი მკურნალობა (1990); მინიჭებული აქვს პირველი საკვალიფიკაციო კატეგორია ქირურგიაში (1990); არის ორი რაციონალიზატორული წინადადების ავტორი: 1. ორკეხიანი ზონდი კუჭის რეზექციის შემდგომი კუჭის ტაკვისა და თორმეტგოჯა ნაწლავის დეკომპრესიისათვის და ენტერალური კვებისთვის (1984, ორივე დაინერგა თბილისის სახელმწიფო სამედიცინო ინსტიტუტის ზოგადი ქირურგიის კათედრაზე); ორივე რაციონალიზატორული წინადადება გამოქვეყნდა საკავშირო ჟურნალში "Вестник хирургии"; გამოქვეყნებული აქვს ერთი მეცნიერული ნაშრომი -"ზოგიერთი ბიოქიმიური ცვლილებები სისხლის ექსტრაკორპორალური მიმოქცევის პირობებში" (1970, დაიბეჭდა მეცნიერთა სემინარის მასალებში); მირებული აქვს მრავალი მადლობა და ჯილდო, მათ შორის სპიტაკის მიწისძვრის შედეგების სამაშველო ოპერაციებში აქტიური მონაწილეობისთვის; ყვარლის რაიონის მთავარი ქირურგი; იყო ქ. ყვარლის საკრებულოს ორჯერ მოწვევის დეპუტატია. ექიმი - ქირურგი.    

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.865-867

• 1986 - მედალი "ჯანმრთელობის დაცვის ფრიადოსანი"