მანანა ქირია

დაბადების ადგილი: ქ. ზუგდიდი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1974 წელს.

1974-1977წწ. ზუგდიდის რაიონული საავადმყოფოს კარდიოლოგიური განყოფილების ინტენსიური თერაპიის ბლოკის ექიმი; 1977-2005წწ. ზუგდიდის მრავალპროფილიანი კლინიკური საავადმყოფო - "რესპუბლიკას" კარდიოლოგიური განყოფილების კარდიოლოგი; პარალელურად შეთავსებით იყო ამავე საავადმყოფოს ფუნქციონალური დიაგნოსტიკის კაბინეტის ექიმი; 2005-2007წწ. ამავე საავადმყოფოს კარდიოლოგიური განყოფილების გამგე; 2007 წლიდან შინაგან სნეულებათა დეპარტამენტის დირექტორი; გავლილი აქვს კვალიფიკაციის ასამაღლებელი კურსები სპეციალობის მიხედვით თბილისის, ლენინგრადისა და მოსკოვის წამყვან კლინიკებში (1984, 1989, 1996, 2003, 2005, 2006, 2007); მიღებული აქვს სათანადო სერთიფიკატები; მინიჭებული აქვს პირველი კატეგორიის ექიმ-კარდიოლოგის წოდება (1984-1989) და სერთიფიკატი "კარდიოლოგიაში" (2001). ექიმი - კარდიოლოგი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.869-870

• საქართველოს კარდიოლოგთა ასოციაცია, წევრი