შალვა პეტრიაშვილი

დაბადების ადგილი: ქ. ამბროლაური.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1985 წელს.

1986-1989 წლებში მუშაობდა ამბროლაურის ცენტრალური საავადმყოფოს და სოფელ სხვავის ამბულატორიის ექიმ-თერაპევტად და ექიმ-კარდიოლოგად; სხვადასხვა დროს იყო თბილისის სახელმწიფო სამედიცინო უნივერსიტეტის შინაგან სნეულებათა კათედრის ექიმი-ორდინატორი, N1 კლინიკის კარდიოლოგიური განყოფილების გამგე, შინაგან სნეულებათა კარდეოლოგიური განყოფილების ექიმი, ამავე განყოფილების გამგე, შინაგან სნეულებათა N3 კათედრის ასისტენტი, დოცენტი; 2006 წლიდან თსუ-ის შინაგანი მედიცინის დეპარტამენტის პროფესორი; არის შპს "კარდიოექსპრესის" დამფუძნებელი; 2015 წლიდან ხელმძღვანელობს ალექსანდრე ალადაშვილის საუნივერსიტეტო კლინიკის თერაპიულ და კარდიოლოგიურ დეპარტამენტს; მნიშვნელოვანია მისი მრავალი სამეცნიერო ნაშრომი, მონოგრაფიების რედაქტირება და სადოქტორო დისერტაციების ხელმძღვანელობა. საერთაშორისო კონგრესებში რეგულარულად იღებს მონაწილეობას და წარმოადგენს საქართველოს კარდიოლოგიური საზოგადოების ინტერესებს მსოფლიოში. ექიმი-კარდიოლოგი, მედიცინის მეცნიერებათა დოქტორი, პროფესორი. გივი პეტრიაშვილის და ჯულიეტა ანთაძე-პეტიაშვილის ვაჟი, თეიმურაზ პეტრიაშვილის ძმა.

წყარო: ჩვენი რაჭა / ირაკლი დვალი.-თბ.,2008.-გვ.204