ილარიონ ისარლიშვილი

დაამთავრა მოსკოვის კადეტთა კორპუსი და ალექსის მე-3 სამხედრო სასწავლებელი. 

მესხეთიდან გადმოსახლებულ წარჩინებულ ქართველ კათოლიკეთა საგვარეულოს წარმომადგენელი. იაკობ და რაფიელ ისარლიშვილების ძმა. 1867 წლიდან რუსეთის არმიის ოფიცერი - პორუჩიკი (1870), კაპიტანი (1879), პოდპოლკოვნიკი (1888). 1877-1878წწ. მონაწილეობდა რუსეთ-თურქეთის ომში. 1900 წლიდან პოლკოვნიკი და სკოპინის 224-ე სარეზერვო ბატალიონის მეთაური. იმავე წელს დაინიშნა ორენბურგის 105-ე ქვეითი პოლკის მეთაურად. 1906 წელს თადარიგში გავიდა მუნდირის ტარების უფლებით და გენერალ-მაიორის წოდების მინიჭებით. რუსეთის იმპერიის არმიის გენერალ-მაიორი (1906).

წყარო: რუსეთის იმპერიის გენერლები: rusgeneral.ru

• წმინდა ვლადიმირის IV ხარისხის ორდენი
• წმინდა ანას III ხარისხის ორდენი
• წმინდა ანას II ხარისხის ორდენი
• წმინდა სტანისლავის III ხარისხის ორდენი
• წმინდა სტანისლავის II ხარისხის ორდენი