ვახტანგ ბერიძე

დაბადების ადგილი: სოფელი წონიარისი, ქედის რაიონი.

დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი 1980 წელს.

1981-1985წწ. ქედის რაიონული საავადმყოფოს ექიმი-პედიატრი, ქედის რაიონის მთავარი პედიატრი; 1985-1987წწ. მოსკოვის მედიცინის მეცნიერებათა აკადემიის პედიატრიის სამეცნიერო-კვლევითი ინსტიტუტის ორდინატორი; 1987-1990წწ. ქედის რაიონული საავადმყოფოს მთავარი ექიმის მოადგილე სამკურნალო დარგში; 1990 წლიდან ქ. ბათუმის დედათა და ბავშვთა ჯანდაცვის რესპუბლიკური ალერგოლოგიური ცენტრის ხელმძღვანელი; 1990-1997წწ. საქართველოს ჯანმრთელობის დაცვის პედიატრიის ინსტიტუტის მაძიებელი ალერგოლოგიაში; (1997, თემა: "სოკოვანი სენსიბილაცია ბრონქული ასთმით დაავადებულ ბავშვებში აჭარის სუბტროპიკული კლიმატის პირობებში"); 1997 წლიდან ბათუმის შოთა რუსთაველის სახელობის სახელმწიფო უნივერსიტეტის პედიატრიის კათედრის დოცენტი; მან სხვადასხვა წლებში კვალიფიკაცია აიმაღლა თავის პროფესიაში: პედიატრიაში (2003, თსსუ-ის ბავშვთა ქირურგიისა და კრიტიკული მედიცინის კათედრა), პედიატრიაში (2005, საქართველოს სახელმწიფო აკადემიის პედიატრიისა და ნეონატოლოგიის კათედრა), ალერგოლოგიაში (2005, ქ. თბილისის ალერგოლოგიისა და იმუნოლოგიის ცენტრი); პროფესორ ირაკლი ფაღავას საახელობის პედიატრიის სამეცნიერო-კვლევითი ინსტიტუტის უწყვეტი სამედიცინო განათლების პროგრამა: ალერგოლოგიაში (2005, 2006); მიღებული აქვს ლიცენზიები ალერგოლოგიასა (2005) და პედიატრიაში (2005); ბავშვთა ალერგოლოგიის აქტუალურ საკითხებს მიუძღვნა თავისი 38 სამეცნიერო ნაშრომი, რომელიც გამოქვეყნებული იყო პრესტიჟულ ქართულ და უცხოურ პრესაში; სამეცნიერო კონფერენციებსა და კონგრესებზე მოხსენებების წაკითხვით გამოდიოდა ბათუმში, თბილისში, წყალტუბოსა და ქობულეთში; მან ერთ-ერთმა პირველმა დაუდო საფუძველი ალერგოლოგიის ცენტრს, რომელიც სრულად დასავლეთ საქართველოს მოსახლეობას ემსახურებოდა; აჭარის ავტონომიური რესპუბლიკის შრომის, ჯანმრთელობისა და სოციალური დაცვის სამინისტროს ექსპერტი ალერგოლოგია-იმუნოლოგიაში, ქ. ბათუმის რეზიდენტურის და უმცროსი ექიმების პროგრამის ხელმძღვანელი ალერგოლოგიაში და პედიატრიაში, ქ. ბათუმში ISAAC- ის პროგრამის ავტორი (1999-2000, 2002-2003). ალერგოლოგი, მედიცინის მეცნიერებათა კანდიდატი, ჯანმრთელობის დაცვის ორგანიზატორი, პროფესორი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.883-884; ბათუმის შოთა რუსთაველის სახელმწიფო უნივერსიტეტი: bsu.edu.ge

• საქართველოს რესპირაციული ასოციაციის აჭარის რეგიონის კომიტეტი, თავმჯდომარე