სალი ნადარეიშვილი

დაბადების ადგილი: ქ. თბილისი.

დაამთავრა მუსიკალური ათწლედის საფორტეპიანო განყოფილება ლია ნიქაბაძის კლასით 1993 წელს; თბილისის სახელმწიფო უნივერსიტეტის ჟურნალისტიკის ფაკულტეტი 1997 წელს; ვ. სარაჯიშვილის სახელობის თბილისის სახელმწიფო კონსერვატორიასთან არსებული ექსპერიმენტული მუსიკალური სკოლა–ათწლედის ვოკალური განყოფილება, პროფ. გოჩა ბეჟუაშვილის კლასი; თსუ ხელოვნებისა და ჰუმანიტარულ პროფესიათა ფაკულტეტის სამართალმცოდნეობის სპეციალობა, სამართალმცოდნეობის სპეციალობით 2001 წელს.

1992 წლიდან სისტემატურად თანამშრომლობდა რესპუბლიკურ ჟურნალ-გაზეთებში: "საქართველოს რესპუბლიკა", "კალმასობა", "ახალგაზრდა ივერიელი", "თბილისი", "ერი", "მშვიდობა ყოველთა", "ძლევაი", "დილის გაზეთი" და სხვ. 1994-2001წწ. იყო გაზეთ "თბილისის" კორესპონდენტი; ასპირანტურაში სწავლის პერიოდიდან ეწეოდა პედაგოგიურ საქმიანობას: მაგისტრატურის II კურსზე კითხულობდა სალექციო კურსს "პუბლიცისტური ტექსტის კომპოზიცია", ხოლო დისერტაციის დაცვის შემდგომ; 2002–2003წწ. კონტრაქტით მიწვეული იყო პრესის თეორიისა და პრაქტიკის კათედრაზე უფროს მასწავლებლად; 2002 წლის ივნისში ჟურნალისტიკის ფაკულტეტის ბაზაზე ჩატარებულ პროფესორ –მასწავლებელთა რესპუბლიკურ სამეცნიერო კონფერენციაზე წარმოადგინა სადოქტორო დისერტაციის ნაწილი: "მედიაში პოლიტიკური ფიგურების იმიჯის გამოკვეთის საკითხისათვის"; 2002-2003წწ. მეოთხე კურსელ ბაკალავრებს უკითხავდა სპეცკურსს: "პრესა და პოლიტიკოსთა იმიჯი"; გამოაქვეყნებული აქვს 7 სამეცნიერო ნაშრომი; 2005 წლის გაზაფხულზე იგი გახდა საქართველოს ჟურნალისტთა საერთაშორისო ფონდის "ოქროს ფრთის"  პრემიის ყველაზე ახალგაზრდა ლაურეატი. მედიალოგიის, კომუნიკატივისტიკისა და საერთაშორისო ჟურნალისტიკის კათედრის დოცენტი (2003), დოქტორი, პროფესორი. 

საკანდიდატო დისერტაციის თემა - "პუბლიცისტური ტექსტის კომპოზიცია თანამედროვე ამერიკული პრესის მიხედვით", დაიცვა 2002 წელს.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.264

• საქართველოს ჟურნალისტთა ფედერაცია, წევრი (1996-)

• 2005 - საქართველოს ჟურნალისტთა საერთაშორისო ფონდის "ოქროს ფრთის" პრემიის ლაურეატი

• ვოკალიზები (ავტორი). - თბილისი, თბილ. უნ-ტის გამ-ბა, 2005. - 92გვ.
• პუბლიცისტური ოსტატობის ალფა და ომეგა (ავტორი). - თბილისი, თბილ. უნ-ტის გამ-ბა, 2002. - 108გვ.
• სათაურის მრავალსახეობა ამერიკულ პრესაში (ავტორი). - თბილისი, თბილ. უნ-ტის გამ-ბა, 1999. - 119გვ.
• ფიესტა ანუ საპრეზიდენტო არჩევნები ამერიკული პრესის სარკეში (ავტორი). - თბილისი, თბილ. უნ-ტის გამ-ბა, 1997. - 79გვ.