ბენიამინ ახშარუმოვი

განათლება მიიღი მოსკოვის 1-ლ კადეტთა კორპუსში.

სამხედრო სამსახურში შევიდა 1839 წელს; 1845 წლიდან მსახურობდა პრაპორშჩიკად ლაიბგვარდიის პავლოვსკის პოლკში; 1847 წელს შევიდა მთავარი საინჟინრო სამმართველოს ოფიცერთა კლასებში, რომლებიც დაამთავრა 1848 წელს და დაიწყო სამსახური ლაიბგვარდიის მესანგრეთა ბატალიონში; 1849 წელს მონაწილეობდა რუსეთის არმიის უნგრეთის კამპანიაში და 1853-1856წწ. ყირიმის ომში; 1854 წლიდან მეთაურობდა ლაიბ-გვარდიის მესანგრეთა ბატალიონს; 1856 წლის 25 იანვარს მიენიჭა პოლკოვნიკის სამხედრო წოდება; 1859-1907წწ. ირიცხებოდა საინჟინრო კორპუსთან და ამავდროულად იყო საინჟინრო კანცელარიის გამგე; 1863 წლის 17 აპრილს მიენიჭა გენერალ-მაიორის სამხედრო წოდება; 1870-იან წლებში შეადგინა კურორტ მაცესტას (შავი ზღვის ზოლში) მინერალური წყაროების, მისი შემოგარენის და ბუნების აღწერილობა; 1873 წლის 16 თებერვალს მიენიჭა გენერალ-ლეიტენანტის სამხედრო წოდება; ირიცხებოდა მოსკოვის მზრუნველთა საბჭოში (რომელიც შეიქმნა იმპერატრიცა მარიამის მიერ) საპატიო მზრუნველად; მოსკოვის სასწავლებელთა სამეურნეო ნაწილის მმართველობის საბჭოს წევრად; მებაღეობის მოყვარულთა რუსეთის საზოგადოების პრეზიდენტად; მოსკოვის სოფიოს საავადმყოფოს წმ. სოფიოს და წმ. ტატიანას ტაძრის მზრუნველად; მოსკოვის საიმპერატორო სამდინარო იახტ-კლუბის ხელმძღვანელად (კომანდორად). 1896 წელს დაწესდა "საპატიო კომანდორის ვ. ი. ახშარუმოვის სახელობის პრიზი". ინჟინერ-გენერალი (1889).

წყარო: სომხეთის სამხედრო ელიტა : სომეხი გენერლები საქართველოდან : ბიოგრაფიული ცნობარი / მ.ჯ. გოგიტიძე, გ.ა. ბეჟიტაშვილი.-თბ.,2014.-გვ.40-41

• 1965 - წმინდა სტანისლავის I ხარისხის ორდენი
• 1877 - ოქროს ხმალი (წარწერით მამაცობისთვის)
• 1867 - წმინდა ანას I ხარისხის ორდენი
• 1861 - წმინდა ანას II ხარისხის ორდენი
• 1857 - წმინდა სტანისლავის II ხარისხის ორდენი
• 1853 - წმინდა ანას III ხარისხის ორდენი
• წმინდა ვლადიმირის III ხარისხის ორდენი