გიორგი მეტონიძე

დაბადების ადგილი: სოფელი ხვანჭკარა, ახლანდელი ამბროლაურის მუნიციპალიტეტი.

დაამთავრა საქართველოს პოლიტექნიკური ინსტიტუტის (ახლანდელი საქართველოს ტექნიკური უნივერსიტეტი) სამშენებლო ფაკულტეტი არქიტექტურის სპეციალობით 1949 წელს.

1949–1952წწ. მუშაობდა არქიტექტორად კურორტოლოგიის სამეცნიერო-კვლევით ინსტიტუტში; 1952–1963წწ. – საქკომუნპროექტში; 1963–1967წწ. – თბილისის ზონალური სამეცნიერო-კვლევითი და ტიპობრივი დაპროექტების ექსპერიმენტულ ინსტიტუტში ("თბილზნიეპი"); 1967 წლიდან – საქქალაქსახპროექტში პროექტის მთავარ არქიტექტორად. ნამუშევრები: საბავშვო ბაღი 50 ადგილზე (1956); კულტურის სახლი 400 ადგილზე (1959); საქართველოს პროფკავშირების კულტურის სასახლე თბილისში (1973, ახლანდელი პროფკავშირების კულტურის ცენტრი და სხვ.).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge