დავით მხეიძე

დაბადების ადგილი: სოფელი კორეთი, ტყიბულის რაიონი.

3 წლის განმავლობაში ეცნობოდა დიდი ოსტატის ფოტოხელოვნებას. მუშაობდა ქუთაისის და ტყიბულის თეატრებში, მისი ფოტოსალონი, "დავითის ფოტოგრაფია", მდებარეობდა პირველი გიმნაზიის გვერდით. სალონში თავს იყრიდნენ იმ დროის ხელოვნებისა და სხვადასხვა სფეროს წარმომადგენლები: შალვა ხონელი, კაპია აბესაძე, ვახტანგ მეგრელიშვილი, ქირურგი ანტუშა საკანდელიძე, მომღერალი ბიძინა ღოღობერიძე, მიხეილ ტუსკია. მასთან მეგობრობდნენ პოეტები, თეატრისა და კინოს გამოჩენილი მოღვაწეები: გალაკტიონი, გიორგი ლეონიძე, იოსებ გრიშაშვილი, შალვა დადიანი, კოლაუ ნადირაძე, სერგო ზაქარიაძე, ა. ხორავა, ა. ვასაძე, გ. შავგულიძე, ვ. ანჯაფარიძე და სხვანი. მათი უნიკალური ფოტოები ინახება მუზეუმში და ოჯახებში. 1981 წელს დუდუ გედენიძემ გამოუშვა წიგნი რომელიც მიუძღვნა ფოტოხელოვან დავით მხეიძის ხსოვნას. წიგნში მას უწოდებს პოეტს შეჭრილს ფოტოგრაფიაში. იროდიონ ხანთაძე წერდა: "ბუნებით დაჯილდოებულმა პოეტმა პროფესიად ფოტოხელოვნების დარგი აირჩია, მან შაბლონური ნორმები და მეთოდები გადალახა და თავისი დამოუკიდებელი შემოქმედებითი გზები მოძებნა. ის არ არის გაშეშებული და ფოტოები გადმოსცემს ადამიანის სულიერებას". არტისტული ნიჭით და დაუცხრომელი შემოქმედებითი სულით შევიდა ფოტოგრაფიაში როგორც დიდი ხელოვანი. მის სახელს ატარებს ქუთაისის ფოტოკინომატიანის მუზეუმი, სადაც ინახება დავით მხეიძის მიერ შემონახული ფირები, ფოტოები და ფოტოტექნიკა.

წყარო: "გაიცანი ჩემი ქალაქი" - გაბაშვილის გორა: goraklm.blogspot.com