გოდერძი მეტრეველი

დაბადების ადგილი: სოფელი ლაგვანთა, ახლანდელი ონის მუნიციპალიტეტი.

დაამთავრა საქართველოს პოლიტექნიკური ინსტიტუტი არქიტექტურის სპეციალობით 1974 წელს.

1975–1994წწ. მუშაობდა არქიტექტორად საქსოფლმშენსახპროექტის ბათუმის ფილიალში; 1983 წლიდან მთავარი  არქიტექტორი. ნამუშევრები: ხელვაჩაურის მუნიციპალიტეტის სოფელ ჩაისუბნის ცენტრის დაგეგმარება (1977–1981); ბათუმის შოთა რუსთაველის სახელმწიფო უნივერსიტეტის, საქსოფლქიმიისა და შპს მშენებელის საცხოვრებელი სახლები ბათუმში, სასტუმრო კვარიათში (ყველა 1995–2005); ქობულეთში 10 და 7 სართულიანი საცხოვრებელი სახლები თამარ მეფის სანაპიროზე, 13 და 6 სართულიანი კი, აღმაშენებლის ქუჩაზე, შპს ჰეკატეს მრავალფუნქციური კომპლექსი ბათუმში, შპს ტოიოტას ცენტრი ქობულეთში, 3 საცხოვრებელი სახლი კვარიათში (ყველა 2005–2012) და სხვ.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 2014 - საქართველოს დამსახურებული არქიტექტორი