დავით ღოღელიანი

დაბადების ადგილი: სოფელი ჭრებალო, ამბროლაურის რაიონი.

დაამთავრა თბილისის სახელმწიფო უნივერსიტეტის სამედიცინო ფაკულტეტი 1931 წელს.

1931-1937წლებში მამასთან, ცნობილ პროვიზორ ლავრენტი ღოღელიანთან ერთად რაჭა-ლეჩხუმის სააფთიაქო საქმის განვითარებას მოჰკიდა ხელი; 1937-1941წწ. ქ. თბილისის N2 აფთიაქს, ე. წ. "ავლაბრის აფთიაქს" ხელმძღვანელობდა, ხოლო 1941 წელს, დიდი სამამულო ომის დაწყების შემდეგ, ხელისუფლების დავალებით ხელმძღვანელობდა კახეთის რეგიონში სააფთიაქო ქსელის ჩამოყალიბებას; 1943-1969 წლებში მის მიერვე აშენებულ გურჯაანის აფთიაქს ხელმძღვანელობდა, რომელსაც დღესაც, "დავითის აფთიაქს" უწოდებენ. წლების განმავლობაში იყო გურჯაანის რაიონული დეპუტატი, სამეცნიერო საზოგადოება "ცოდნის" ხაზით ეწეოდა საგანმანათლებლო საქმიანობას ფარმაცევტებისა და ექიმების კვალიფიკაციის ამაღლების მიზნით. 1969-1974 წლებში  თბილისის N49 აფთიაქის მმართველი იყო. ფარმაცევტი, პროფესორ ლალი ღოღელიანისა და დალი ღოღელიანის მამა.

წყარო: ჩვენი რაჭა / ირაკლი დვალი.-თბ.,2008.-გვ.330-331