დალი ღოღელიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1962 წელს.

საქართველოს ონკოლოგიის სამეცნიერო-კვლევითი ინსტიტუტის უფროსი მეცნიერ-თანამშრომელი, გინეკოლოგიის განყოფილების ქირურგიული ბლოკის უფროსი, თბილისის სახელმწიფო სამედიცინოო ინსტიტუტის ონკოლოგიის კათედრის ასისტენტი. სამედიცინო კარიერასთან ერთად მოღვაწეობდა, როგორც კინომსახიობი, შესრულებული აქვს მთავარი როლები ფილმებში: "ვინ შეკაზმავს ცხენს?", "ყვავილი თოვლზე", "ნინო" და ტელეფილმში "გამზრდელი". ტრაგიკულად დაიღუპა დაბა ფასანაურში, იხსნა რა ორი ბავშვის სიცოცხლე თავისი სიცოცხლის ფასად. მედიცინის მეცნიერებათა კანდიდატი. ექიმ დავით ღოღელიანის შვილი და ლალი ღოღელიანის და.

წყარო: ჩვენი რაჭა / ირაკლი დვალი.-თბ.,2008.-გვ.336