ლელა ჯიბრიაშვილი

ამ მანდილოსნის სახელი შემოგვინახა XIII საუკუნის ერთმა სახარებამ, რომელიც ლელას დაუხსნია, სათანადო მინაწერში  (ხელნაწერის აღმწერის ფილოლოგიის მეცნიერებათა კანდიდატის ლ. ქუთათელაძის აზრით XVI-XVII საუკუნეებისაა), წერია "ესე ოთხთავი სახარებაი, წედის ციხე რომ აღიღო ერისთავმან, მაშინ წულუკიძემ წაიღო. მე ლელა ჯიბრიაშვილის  ქალმან დავიხსენი". ჩანს, მას აფიქრებდა ქართულ ხელნაწერთა ბედი, ესმოდა მათი დაღუპვის საშიშროება და განადგურებისაგას ხსნის აუცილებლობა.

წყარო: ძველი ქართველი მწიგნობარი ქალები /იზოლდა ქაფიაშვილი.-თბ.,1994.-გვ.90