პავლე ბეჟანბეგოვი

დაბადების ადგილი: ქ. ტფილისი.

განათლება მიიღო ტფილისის კადეტთა კორპუსში, კონსტანტინეს მე-2 სამხედრო სასწავლებელში და ნიკოლოზის გენერალური შტაბის სამხედრო აკადემიაში 1896 წელს (1-ი თანრიგით).

სამხედრო სამსახურში შევიდა 1887 წელს. მსახურობდა კავკასიის მე-4 მსროლელ ბატალიონში, ტფილისის იუნკერთა ქვეით სასწავლებელში ოცმეთაურად და მასწავლებლად იმავე სასწავლებელში; მონაწილეობდა რუსეთ-იაპონიის (1904-1905) ომში; 1905-1908წწ. მსახურობდა კავკასიის ცხენოსანი ბრიგადის მმართველობის უფროს ადიუტანტად; 1908-1910წწ. - ყურინის 79-ე ქვეით პოლკში; 1912 წლის 6 დეკემბერს მიენიჭა პოლკოვნიკის სამხედრო წოდება; 1913-1914წწ. მსახურობდა კავკასიის 1-ლ მსროლელ პოლკში; მონაწილეობდა პირველ მსოფლიო ომში (1914-1918); ომის დროს მსახურობდა კავკასიის მე-4 მსროლელი ბრიგადის შტაბის უფროსად და კავკასიის მოხალისეთა 1-ი ბრიგადის შტაბის უფროსად; 1916 წლიდან მეთაურობდა 1-ლ მსროლელ სომხურ ბატალიონს და კავკასიის 22-ე მსროლელ პოლკს; რუსეთში ოქტომბრის 1917 წლის რევოლუციის შემდეგ, მსახურობდა სომხეთის რესპუბლიკის ჯარში, სადაც მას მიენიჭა გენერალ-მაიორის სამხედრო წოდება; მეთაურობდა სომხურ მსროლელ ბრიგადას; 1918 წლის მარტში მონაწილეობდა ბრძოლებში არზერუმთან, სომხეთ-თურქეთის ომის დროს; სომხეთის გასაბჭოების შემდეგ, 1920 წლიდან მსახურობდა სომხეთის წითელ ჯარში საკლუბო განყოფილების ინსტრუქტორად, სამხედრო ორკესტრის უფროსად, კავკასიის ცალკეული არმიის შტაბის ცხენოსანი შემადგენლობის აღრიცხვის განყოფილების უფროსად და შტაბის სამობილიზაციო განყოფილების უფროსის თანაშემწედ; 1922-1923წწ. მსახურობდა შტაბის საჯარისო სამსახურის განყოფილების უფროსთან, დავალებათა შემსრულებლად; მოგვიანებით ოჯახთან ერთად ცხოვრობდა შუა აზიაში, ფერგანაში, სადაც მოღვაწეობდა სასწავლო დაწესებულებებში; სტალინის სიკვდილის შემდეგ, 1953 წელს გადმოვიდა საცხოვრებლად თბილისში. გენერალ-მაიორი (1918).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.60-61

• 1911 - წმინდა ვლადიმირის IV ხარისხის ორდენი (მახვილებითა და ბაფთით)
• 1906 - წმინდა ანას IV ხარისხის ორდენი
• 1905 - წმინდა სტანისლავის II ხარისხის ორდენი (მახვილებით)
• 1905 - წმინდა ანას II ხარისხის ორდენი (მახვილებით)
• 1904 - წმინდა ანას III ხარისხის ორდენი (მახვილებითა და ბაფთით)