ელიზარ ბეჟანოვი

სამხედრო სამსახურში შევიდა 1861 წელს. მონაწილეობდა რუსეთ-ოსმალეთის (1877-1878) ომში; მსახურობდა იმპერატორ ალექსანდრე II-ს პირად ბადრაგში; განსაკუთრებული მამაცობისათვის ომის დროს, იმპერატორმა ალექსანდრე II-მ გადასცა მას სახელობითი ხმალი წარწერით - "ჩემი ბადრაგის როტმისტრს ბეჟანოვს ომის დროს გამოჩენილი მამაცობისათვის" (დღეს-დღეობით ეს ხმალი დაცულია ქ. კისლოვოდსკის მხარეთმცოდნეობის მუზეუმში); 1886-1887წწ. მეთაურობდა ყუბანის 1-ლ ცხენოსან პოლკს; 1888-1890წწ. - კავკასიის კაზაკთა 1-ლ ცხენოსან პოლკს; 1888 წლის 6 დეკემბერს მიენიჭა პოლკოვნიკის სამხედრო წოდება; 1911 წელს გავიდა თადარიგში და ცხოვრობდა სანქტ-პეტერბურგში. საბრძოლო დამსახურებისთვის დაჯილდოებული იყო ორდენებით.

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.61

• 1888 - წმინდა ვლადიმირის III ხარისხის ორდენი
• 1883 - წმინდა ანას II ხარისხის ორდენი
• 1877 - წმინდა ვლადიმირის IV ხარისხის ორდენი
• 1871 - წმინდა სტანისლავის III ხარისხის ორდენი
• 1863 - წმინდა გიორგის IV ხარისხის ორდენი