იასონ ნათაძე

დაბადების ადგილი: სოფელი ალევი, ახალგორის რაიონი.

დაამთავრა სასულიერო სემინარია.

მოწაფეობის დროიდანვე წერდა ჟურნალ-გაზეთებში ("კრებული", "დროება", "სასოფლო გაზეთი" და სხვ.) ეროვნულ, სახელმწიფოებრივ, გლეხთა ქონებრივი მდგომარეობის, სწავლა-აღზრდისა შესახებ. მონაწილეობდა 1870-1880-იანი წლების ქართველ სცენისმოყვარეთა წრეში, 1875 წლის 27 ნოემბერს "პეპოში"  ზიმზიმოვის როლი შეასრულა. თეატრს სხვაგვარადაც ეხმარებოდა. ცნობილი იყო, როგორც პროგრესული მწერალი და უანგარო მუშაკი. გრიგოლ, შალვა და ლეო ნათაძეების მამა, მოსე ნათაძის ძმა. 

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.444