იური ჭელიძე

დაბადების ადგილი: სოფელი ნამანევი, ამბროლაურის რაიონი.

დაამთავრა თბილისის სახელმწიფო უნივერსიტეტის ფიზიკის ფაკულტეტი ბირთვული ფიზიკის სპეციალობით 1968 წელს.

1968-1978 წლებში მუშაობდა  საქართველოს მეცნიერებათა აკადემიის ფიზიკის ინსტიტუტში; 1978 წელს სამეცნიერო მოღვაწეობა განაგრძო მეტროლოგიის საშუალებათა ავტომატიზაციის საკავშირო სამეცნიერო-კვლევით ინსტიტუტში, სადაც აქტიურად ჩაება კოსმოსის ათვისების სამეცნიერო კვლევებში. მისი უშუალო შესრულებით დამუშავებული და აგებული იქნა სითხეების თბოგამტარიანობის გაზომის უმაღლესი სიზუსტის დანადგარები, რომლებიც დღესაც ფუნქციონირებს. სამეცნიერო-კვლევით სამუშაოებთან ერთად 1996 წლიდან მუშაობდა "საქენერგოში" საქართველოს მიმდინარე და პერსპექტიული დაგეგმვის განყოფილების ხელმძღვანელად. გამოქვეყნებული აქვს ოცზე მეტი სამეცნიერო ნაშრომი და სტატია. ფიზიკის მეცნიერებათა დოქტორი.

წყარო: ჩვენი რაჭა / ირაკლი დვალი.-თბ.,2008.-გვ.365