ვლადიმერ მინორსკი

დაბადების ადგილი: ვოლგის კორჩევი.

დაამთავრა მოს­კოვის უნივერსიტეტის იურიდიული ფაკულტეტი 1900 წელს; ლაზარევის აღმოსავლური ენების ინსტიტუტი 1903 წელს.

1903 წლიდან მსახურობდა რუსეთის საგარეო საქმეთა სამინისტროში (იყო დიპლომატიურ სამსახურში ირანსა და თურქეთში). 1917 წლის ოქტომბრის რევოლუციის შემდეგ რუსეთში აღარ დაბრუნდა. 1917–1919წწ. ცხოვრობდა ირანში;  1919–1932წწ საფრანგეთში; 1932 წლიდან ინგლისში. თავისი ფუნდამენტური ნაშრომებით მნიშვნელოვანი წვლილი შეიტანა ირანისა და სამხრეთ კავკასიის ქვეყნების, მ. შ. საქართველოს ისტორიის შესწავლაში; გამოთქვა მოსაზრება წანარების (ერთ-ერთი კახური ტომი) პირველსაცხოვრისის შესახებ. მისი აზრით, ისინი დარიალის კარის რეგიონში სახლობდნენ. იზიარებდა იმ მკვლევართა მოსაზრებას (კ. თუმანოვი, ნ. ბერძენიშვილი, თ. პაპუაშვილი), რომლებიც თვლიდნენ, რომ VIII ს-ში, არჩილის მეფობისას, შაქში (ჰერეთი) დამკვიდრებული სამი ძმა (ქართული წყაროებით, ადარნასე "ბრმის" ძმისწულები) და შემდეგდროინდელი ჰერეთის მთავრები ბაგრატიონთა ერთ-ერთ შტოს ეკუთვნოდნენ. მან შეისწავლა შირვანისა და დერბენდის ისტორია, სადაც აღნიშნავს, რომ XII ს. დასაწყისიდან XIII ს. 20-იან წლებამდე, შირვანი განიცდიდა საქართველოს პოლიტიკურ გავლენას. შირვანის შაჰები საქართველოს მეფის მორჩილნი იყვნენ, როგორც გიორგი III-ის, ისე თამარის მეფობის დროს. 1937 წლიდან იყო ლონ­­­­­­­­დონის უნივერსიტეტის პროფესორი. აღმოსავლეთმცოდნე.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• Турецко-персидское разграничение (ავტორი) // ცალკე ამონაბეჭდი: "Изв. Имп. Рус. геогр. о-ва". Т. 52, вып. 5, 1916 г.. - Петроград, тип. М.М. Стасюлевича, 1916. - с.351-392
• Константинопольские увеселения : Из летних впечатлений (ავტორი). - Тифлис, Г. Мелик-Каракозов, 1903. - 13с.