ლელა ქორჩილავა

დაბადების ადგილი: დაბა ჩაქვი, ქობულეთის რაიონი.

დაამთავრა თბილისის საბაზო III სამედიცინო სასწავლებლის სანიტარულ-საფერშლო ფაკულტეტი 1982 წელს; თბილისის სახელმწიფო სამედიცინო ინსტიტუტის სამკურნალო ფაკულტეტი 1990 წელს.

1978-1979წწ. მუშაობდა სანიტრად თბილისში: ბავშვთა მე-19 პოლიკლინიკაში, სპირიდონ ვირსალაძის სახელობის სამედიცინო პარაზიტოლოგიისა და ტროპიკული მედიცინის სამეცნიერო-კვლევითი ინსტიტუტის ტრანსმისიულ სნეულებათა ეპიდემიოლოგიისა და სამედიცინო ენტომოლოგიის განყოფილებაში და საქარხნო რაიონის მე-10 პოლიკლინიკაში; 1982-1984წწ. იყო პროფესორ ნიკო მახვილაძის სახელობის შრომის ჰიგიენისა და პროფესიულ სნეულებათა სამეცნიერო-კვლევითი ინსტიტუტის მედრეგისტრატორი; 1991-1992წწ. თბილისის მე-4 სამშობიარო სახლის ინტერნი (მეან-გინეკოლოგის სპეციალობით); 1992-1996წწ. თბილისის მე-5 საავადმყოფო კლინიკური გაერთიანების მეან-გინეკოლოგი; 1996-2010წწ. აგრძელებს მუშაობას კონტრაქტით; კვალიფიკაცია აიმაღლა თბილისის ექიმთა დიპლომის შემდგომი განათლების სახელმწიფო სამედიცინოაკადემიაში მეან-გინეკოლოგის ციკლზე (1997, სპეციალობა მეან-გინეკოლოგი); მიღებული აქვს სერთიფიკატები: ტრენინგში "დედიდან ბავშვზე აივ-ინფექცია შიდსის გადაცემის პროფილაქტიკაში" მონაწილეობის მიღებისათვის (2003); საერთაშორისო კონგრესი -ოჯახის ინსტიტუტის განვითარება საქართველოში მონაწილეობისათვის (2005); უწყვეტი სამედიცინო განათლების აკრედიტებული მოკლევადიანი კურსის "კოლპოსკოპიური დიაგნოსტიკის მნიშვნელობა საშვილოსნოს ყელის პათოლოგიების მართვაში" გავლის შემდეგ (2006); უწყვეტი სამედიცინო განათლების დასწრებული პროგრამით "ძვლოვანი მენჯის ანომალიები, თანამედროვე კლასიფიკაცია, ვიწრო მენჯი, ფართო მენჯი და მშობიარობის მართვის თანამედროვე პრინციპები" (კლინიკური რეკომენდაციები მტკიცებითი მედიცინის საფუძველზე) მონაწილეობისათვის (2007). ექიმი მეან-გინეკოლოგი.

წყარო: საქართველოს სამედიცივნო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.914-916

• საქართველოს მეან-გინეკოლოთა ასოციაცია, წევრი (2000-)