სოლომონ ფუტკარაძე

დაბადების ადგილი: სოფელი პაპოშვილები, შუახევის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1987 წელს.

1983-1987წწ. ინსტიტუტში სწავლასთან ერთად მუშაობდა თბილისის კლინიკური საავადმყოფოს ექთნად; 1987-1988წწ. ბათუმის რესპუბლიკური საავადმყოფოს ქირურგიულ განყოფილებაში გაიარა ინტერნატურა სპეციალობით - ქირურგი; განაწილებით მუშაობდა შუახევის რაიონული საავადმყოფოს ონკოქირურგად (1988); 1988-1990წწ. ქედის რაიონული საავადმყოფოს ქირურგი; 1990-1991წწ. ხელვაჩაურის რაიონის სასწრაფო დახმარების სადგურის ექიმი; 1991-1992წწ. ბათუმის რესპუბლიკური საავადმყოფოს ჯერ პოლიკლინიკის, შემდეგ ქირურგიული განყოფილების მორიგე ქირურგი; 1992-1996წწ. პარალელურად ექოსკოპიის კაბინეტის ექიმი; 1996 წელს მან რესპუბლიკურ საავადმყოფოში ჩამოაყალიბა ულტრაბგერითი და ფუნქციური დიაგნოსტიკის განყოფილება, რომელსაც დღემდე ხელმძღვანელობს; ავტორია 18 სამეცნიერო ნაშრომისა, რომლებიც წაკითხულია საქართველოსა და უცხოეთში გამართულ სამეცნიერო კონფერენციებსა და კონგრესებზე, დაბეჭდილია პრესტიჟულ ჟურნალებში; აჭარაში მან პირველმა დანერგა ექოსკოპიის კონტროლის ქვეშ ტრანსკუტანეული მადრენირებული ოპერაციების წარმოება; 2001 წლიდან ჩართულია გაეროს პროგრამაში და ყოველწლიურად ექიმთა ჯგუფთან ერთად აჭარის, გურიისა და სამეგრელოს რაიონებში აწარმოებს პაციენტების უფასო მიღება-გამოკვლევას. ექიმი-უროლოგი, მედიცინის მეცნიერებათა კანდიდატი.

საკანდიდატო დისერტაციის თემა -"ღვიძლის აბსცესის სხივური დიაგნოსტიკისა და ქირურგიული მკურნალობის მეთოდების შეფასება", დაიცვა 2001 წელს. 

წყარო: საქართველოს სამედიცივნო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010 გვ.917-919

• საქართველოს რადიოლოგთა ასოციაცია, გამგეობის წევრი
• საქართველოსა და ევროპის უროლოგთა ასოციაცია, ნამდვილი წევრი