ხვარამზე ბაგრატიონი

ხვარამზე ბაგრატიონი იყო ლევან ბატონიშვილის ასული და ვახტანგ მეექვსის და. იგი თავის ახლობელთა წრეში იზრდებოდა, იქ კი, როგორც ცნობილია, მრავალი მწერალი ტრიალებდა. ამ წრეში ყოფნამ გაუღვივა ხვარამზეს მწიგნობრული ინტერესები. ცნობილია მისი დაკვეთით გადაწერილი "ჟამნი",  რომელსაც ერთვის ანდერძი: "ჩვენ, ძმისწულმან ქებულის მეფის არჩილისამან და დიდად სახელოვანის ქართველთ მეფის გიორგისამან და ასულმან დიდად პატიოსნის ლევანისამან, ბატონიშვილმან ხვარამზე-ყოფილმან ეფემიამ, მრავლითა წადიერებითა და გულმოდგინებითა აღვაწერინე ყოვლად სასურველი და წმიდაი მყოფელი ჟამნი ესე ფრიადითა კრძალულებითა... აღიწერა ჟამსა მეფობისა ვახტანგისსა". ლევან ბატონიშვილის (შაჰ ყული-ხანი) შვილი, გიორგი XI-ის (გურგინ ხანი) და არჩილ II (შაჰნაზარ ხანი) ძმისშვილი, ვახტანგ VI და. მწიგნობარი.

წყარო: ძველი ქართველი მწიგნობარი ქალები /იზოლდა ქაფიაშვილი.-თბ.,1994.-გვ.111-112