
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

შალვა ნათაძე

Other name:	Ш. Горцев (Pseudonym)
Date of birth:	1883
Date of death:	19 December, 1912 (at 29 years)
Category:	Politician, Publicist

Biography

სწავლობდა სათავადაზნაურო სკოლაში. გიმნაზიის დამთავრების შემდეგ, 1903 წელს ექსტერნად ჩააბარა გამოცდები მოსკოვის უნივერსიტეტში.

პოლიტიკური მოღვაწეობა დაიწყო 1904 წელს სოციალ-რევოლუციონერთა პარტიაში, დროგამოშვებით თბილისის ორგანიზაციაშიც მუშაობდა. გურიის გლეხთა მოძრაობის შესახებ დაწერა ბროშურა "Как грузинские крестьяне борются за свободу" და რუსულ კრებულ "Коллектив" ნაციონალური საკითხის შესახებ გამოაქვეყნა წერილი. (ქართულადაც დაიბეჭდა ეროვნული საკითხის შესახებ). ამავე დროს, აქტიურად მონაწილეობდა რევოლუციურ მოძრაობაში. ტერორისტული აქტი მოაწყო დასავლეთ საქართველოს სადამსჯელო რაზმების უფროსზე, გენერალ ალიხანოვ-ავარსკიზე ქუთაისში, რომლის დროსაც ალიხანოვ-ავარსკი დაიჭრა. 1906 წლის რეაქციის დროს, გამომცემლობა "Молодая Россия" ერთად დააპატიმრეს. ციხიდან გაიქცა, ორი წელიწადი იმალებოდა, მიუხედავად ამისა, მაინც მოახერხა უნივერსიტეტის დამთავრება და მასწავლებლის ადგილი მიიღო ქ. როსტოვში. სასამართლომ შალვა ნათაძე, მისი ძმის– გრიგოლ ნათაძის მეუღლის ოლგას თავდებობით, გასამართლებამდე თავისუფლად დატოვა. როცა გაირკვა, რომ შალვა ნათაძეს სასტიკი სასჯელი ელოდა, სტამბოლში გაიქცა, საიდანაც რუსეთის ჟურნალ-გაზეთებში კორესპონდენციებს აქვეყნებდა ბალკანეთის მდგომარეობის შესახებ. პერიოდულად ქართულ სოციალ-დემოკრატიულ გაზეთებშიც წერდა კორესპონდენციებს. 1912 წელს სტამბოლში, მოულოდნელად, ავად გახდა კბილის ტკივილით და 19 დეკემბრს გარდაიცვალა. სოციალისტ-რევოლუციონერი, პუბლიცისტ-კორესპონდენტი და პოლიტიკური მოღვაწე. იასონ ნათაძის შვილი, გრიგოლ და ლევან ნათაძეების ძმა.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.448

Bibliography

Как грузинские крестьяне борются за свободу (Author). - Москва , Молодая Россия(Тип. А.П. Поплавского), 1906. - 31с.
ეროვნული საკითხი (Author). - ტფილისი, "გუთანი"-ს გამოცემა N7, 1906 (მ. ხელაძის სტ.), 1906. - 16გვ.