თინათინი

თინათინი, რომელიც მთავრინად იხსენიება, XVIII საუკუნის მოღვაწეა, მისი დავალებით ტრიფილე დიაკონ-მონაზონმა 1766 წელს გადაწერა სასულიერო-საეკლესიო შინაარსის კრებული. გადამწერის  ანდერძი გვამცნობს: "აღვსწერე... პალატსა შინა საპატრიარხოსა, ყოვლად უგანათლებულესისა და უბრწვინვალესისა მთავრინა თინათინისთვს მისმან უკანასკნელთა მონათაგანმა ტრიფილე უნდომან დიაკონ-მონაზონმან წელსა I766, თუესა მარტსა 24. უფალმან იესომ ძემან ღმრთისამან ახმარნეს მშვდობასა და დღეთა სიგრძესა შინა". თინათინის სახელი იხსენიება ხელნაწერის კიდევ რამდენიმე გვერდზე. გადამწერი ტრიფილე ერთგან თინათინის შვილად გვამცნობს თავს; იგულისხმება არა ნათესაური კავშირი, არამედ სულიერი. მწიგნობარი.

წყარო: ძველი ქართველი მწიგნობარი ქალები /იზოლდა ქაფიაშვილი.-თბ.,1994.-გვ.122