ევგენი ასათუროვი

დაბადების ადგილი: ქ. ტფილისი.

დაამთავრა თბილისის ელექტროკავშირის ინჟინერთა ინსტიტუტი 1938 წელს.

მონაწილეობდა 1941-1945წწ. მეორე მსოფლიო ომში, უკრაინის, მოლდავეთის, რუმინეთის და ჩეხოსლოვაკიის განთავისუფლებაში; ომის შემდგომ პერიოდში ეკავა საპასუხისმგებლო თანამდებობები თავდაცვის სამინისტროს ცენტრალურ აპარატში; 1952-1963წწ. - სსრკ სამხედრო-საჰაერო ძალების სამმართველოს უფროსი; 1966-1975წწ. - სსრკ თავდაცვის სამინისტროს სამმართველოს განყოფილების უფროსი; მოღვაწეობდა უმაღლეს საინჟინრო სამეთაურო სასწავლებელში. საბრძოლო დამსახურებისათვის დაჯილდოებული იყო 4 ორდენით და 11 მედლით. საინჟინრო-ტექნიკური სამსახურის გენერალ-მაიორი (1961). 

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.133

• სამამულო ომის II ხარისხის ორდენი
• სამამულო ომის I ხარისხის ორდენი
• წითელი ვარსკვლავის ორდენი