ეფრაიმ მიხაელი

დაბადების ადგილი: სოფელი კულაში, ახლანდელი სამტრედიის მუნიციპალიტეტი.

1971 წელს ჩაირიცხა საქართველოს პოლიტექნიკურ ინსტიტუტში; დაამთავრა ხაიფის ტექნოლოგიური ინსტიტუტის კომპიუტერული ინჟინერიისა და ენერგეტიკის ფაკულტეტი.

1972 წლიდან ცხოვრობს ისრაელში. 1976 წელს გაიწვიეს სამწლიან სავალდებულო სამხედრო სამსახურში. 1981 წელს მიიღო ოფიცრის წოდება. 1982 წელს მონაწილეობა მიიღო ისრაელ-ლიბანის ომში. 1983 წელს ჯარიდან სასწავლებლად გაგზავნეს ხაიფის ტექნოლოგიურ ინსტიტუტში. 1986 წელს დაინიშნა სახმელეთო ჯარების კავშირგაბმულობისა და კონტროლის ტექნოლოგიური განყოფილების უფროსად (1988 წლიდან – მაიორი), 1990 წელს კი – კავშირგაბმულობისა და კონტროლის მწარმოებელი ბაზის შტაბის უფროსად. 1993 წელს მიიღო ვიცე-პოლკოვნიკის წოდება (1999 წლიდან – პოლკოვნიკი). იყო ისრაელის თავდაცვის სამინისტროს წარმომადგენელი და სამხედრო ატაშე რუსეთის ფედერაციაში. 2011–2014წწ. ხელმძღვანელობდა ისრაელის პორტების სისტემის პირველ დირექტორატს. ამ თანამდებობაზე ყოფნისას ქმედითი მონაწილეობა მიიღო ისრაელის ორი ახალი პორტის – ხაიფას და აშდოდის მშენებლობაში. 2015–2017წწ. იყო ისრაელის ნავთობისა და გაზის კომიტეტის, 2017–2021წწ. – "მეტეორ გრუპის" (მოწინავე იარაღის კომპანია) დირექტორთა საბჭოს წევრი. 2003 წლიდან მოღვაწეობს პოლიტიკური და სამხედრო ექსპერტის რანგში. პოლიტიკური და სამხედრო მოღვაწე, ექსპერტი და მიმომხილველი, ისრაელის არმიის რეზერვისტების პოლკოვნიკი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge