ოჰანეს ვართანოვი

დაბადების ადგილი: ქ. ტფილისი.

დაამთავრა ბუინაქსკის ქვეითი სასწავლებელი 1941 წელს და სამხედრო-სატრანსპორტო აკადემია 1955 წელს.

საბჭოთა ჯარში მსახურობდა 1939 წლიდან. მონაწილეობდა 1941-1945წწ. მეორე მსოფლიო ომში. ომი დაამთავრა მე-2 უკრაინის ფრონტის, 141-ე მსროლელი დივიზიის, საავტომობილო სამსახუროის უფროსად. 1980-1984წწ. მსახურობდა ავღანეთის დემოკრატიულ რესპუბლიკაში (საბჭოთა ჯარების შეზღუდულ სამხედრო კონტინგენტში), თავდაცვის სამინისტროს ოპერატიული ჯგუფის შემადგენლობაში. დაკავებული იყო როგორც მე-40 არმიის, ისე ავღანეთის არმიის საავტომობილო ტექნიკის რემონტის ორგანიზაციის საკითხებით. 1984-1986წწ. მსახურობდა თავდაცვის სამინისტროს მთავარი საავტომობილო სამმართველოს უფროსის მოადგილედ – მთავარი ტექნიკური სამმართველოს მთავარ ინჟინრად. 1986 წელს გავიდა თადარიგში. საბრძოლო დამსახურებისათვის დაჯილდოებული იყო ორდენებით და მედლებით მ.შ. საპატიო ორდენით (რუსეთის ფედერაცია), ბულგარეთის ორდენით "9 სექტემბერი" (მახვილებით). ინჟინერ-გენერალ-ლეიტენანტი (1984). 

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.139

• 1985 - სამამულო ომის I ხარისხის ორდენი
• ალექსანდრე ნეველის ორდენი
• საპატიო ნიშნის ორდენი (2 ორდენი)
• შრომის წითელი დროშის ორდენი
• წითელი ვარსკვლავის ორდენი (2 ორდენი)