ზურაბ ჯაფარიძე

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის მეღვინეობისა და ხილ-ბოსტნეულის დაკონსერვების სპეციალობით 1963 წელს.

1963-1969წწ. მოლდავეთის მეღვინეობისა და საკონსერვო მრეწველობის სხვადასხვა საწარმოები: ტექნოლოგი, ოსტატი, უფროს ოსტატი, მთავარი ტექნოლოგი; 1969-1974წწ. გურჯაანის ღვინის ქარხანა, მთავარი ინჟინრის მოადგილე, მთავარი ინჟინრი; 1974-1975წწ. "სამტრესტის" ცენტრალური ლაბორატორიის გამგე, 1975-1976წწ. მთავარი მეღვინე, 1976-1986წწ. სამმართველოს უფროსი, მეღვინეობის სამმართველოს უფროსის მოადგილე; ამავე დროს 1983-1989წწ. იყო საქსახღვინმრევის კომიტეტის კოლეგიის წევრი პროდუქციის გადამუშავებისა და რეალიზაციის სამმართველოს უფროსის მოადგილე; 1989-1991წწ. მეღვინეობის სამმართველოს უფროსის მოადგილე; 1991 წელს "სამტრესტის" უფროსი; 1991 წელს აირჩიეს საქართველოს ღვინისა და ჩაის ბირჟის საბჭოს თავმჯდომარის მოადგილედ; 1996-1998წწ. სააუდიტორო-საკონსულტაციო შ.პ.ს. "ბეგაბროკ სერვისი", მთავარი კონსულტანტი; 1997 წელს მიწვეული იყო ავსტრიის ერთ-ერთი ფირმის მთავარ ექსპერტად რუსეთის ფედერაციისა და დ.ს.თ. - ს ქვეყნებში; 1998 წლიდან საქართველოს ღვინისა და ალკოჰოლური სასმელების კომპანია "GWS", საზოგადოებრივ ურთიერთობათა მენეჯერი; იყო საქართველოს და საკავშირო მეღვინეობის ცენტრალური სადეგუსტაციო კომისიის წევრი, მონაწილეობდა საკავშირო და საერთაშორისო დეგუსტაციებში. არის 10 გამოგონების, რაციონალიზატორული წინადადების, სამეცნიერო შრომების ავტორი, ღვინის ახალი მარკების თანაავტორი - შუამთა, სამება, ფიროსმანი, აგუნა, თბილისი, სავანე და სხვა.

წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები/ ალექსანდრე ქურდაძე.-თბ.,1999. - გვ.55-56

• სსრკ სახალხო მეურნეობის მიღწევათა გამოფენა (ВДНХ) (ვერცხლის მედალი)