სვიმონ ჯანგულაშვილი

დაამთავრა  თბილისის სახელმწიფო კონსერვატორიის საშემსრულებლო ფაკულტეტის აკადემიური გუნდის დირიჟორობის საბაკალავრო პროგრამა 2002 წელს; ამავე სპეციალობის სამაგისტრო პროგრამა 2004 წელს; თბილისის სახელმწიფო კონსერვატორიის კომპოზიციისა და მუსიკოლოგიის ფაკულტეტის  საეკლესიო მუსიკის სამაგისტრო პროგრამა 2008 წელს; 2011 წელს მიიღო თბილისის სახელმწიფო კონსერვატორიის კომპოზიციისა და მუსიკოლოგიის ფაკულტეტის  ხელოვნებათმცოდნეობის დოქტორის ხარისხის წოდება.

1998 წლიდან არის ყოვლადწმინდა სამების საკათედრო ტაძრის საპატრიარქო გუნდის რეგენტი და სამხატვრო ხელმძღვანელი; 2006-2010წწ. იყო გიორგი მთაწმინდელის სახელობის საეკლესიო გალობისა და ხალხური სიმღერის უმაღლეს სასწავლებელში გალობის მასწავლებელი; 2014-2016წწ. გაიარა მასტერკლასების სერია სიმფონიურ დირიჟორობაში უკრაინის ეროვნული ორკესტრის სამხატვრო ხელმძღვანელთან და მთავარ დირიჟორთან რომან კოფმანთან; 2014-2019წწ. მუშაობდა ანზორ ერქომაიშვილის სახელობის ფოლკლორის სახელმწიფო ცენტრში ტრადიციული საეკლესიო გალობის მიმართულების ხელმძღვანელად; 2019-2021წწ. იყო გიორგი მთაწმინდელის სახელობის საეკლესიო გალობის უმაღლეს სასწავლებელში საეკლესიო მუსიკოლოგიის კათედრის გამგე; 2019 წლიდან არის ამავე სასწავლებლის მოწვეული პედაგოგი და უძღვება სალექციო კურსებს: "დასავლეთ ევროპის საეკლესიო მუსიკის ესთეტიკა", "ქართული გალობის ესთეტიკა". 2019 წლიდან არის ანზორ ერქომაიშვილის სახელობის ფოლკლორის სახელმწიფო ცენტრის დირექტორის მრჩეველი. 

წყარო: საქართველოს პირველი არხი: 1tv.ge; გიორგი მთაწმინდელის სახელობის გალობის უნივერსიტეტი: galoba.edu.ge

• ფონდი "ქართული გალობის" საბჭო, წევრი (2013-2018)

• 2026 - ღირსების ორდენი
  კულტურის სფეროს განვითარებაში შეტანილი განსაკუთრებული წვლილისთვის