ნინო ვეშაპელი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1923 წელს. 

მუშაობა დაიწყო ჯერ თბილისის სახელმწიფო უნივერსიტეტის სამკურნალო ფაკულტეტის ფსიქიატრიის კათედრაზე, შემდეგ კი ფსიქიატრ მიხეილ ასათიანის მოწაფემ, თბილისის სახელმწიფო სამედიცინო ინსტიტუტის ფსიქიატრიის კათედრაზე; მისი ინიციატივითა და ხელმძღვანელობით პირველად საქართველოში ჩამოყალიბდა ბავშვთა ფსიქონევროლოგიის კვლევისა და შესწავლის უბანი, წლების განმავლობაში იყო მ. ასათიანის სახელობის ფსიქიატრიის სამეცნიერო-კვლევითი ინსტიტუტის ბავშვთა განყოფილების მეცნიერული ხელმძღვანელი; 1938-1960წწ. იყო თბილისის სახელმწიფო სამედიცინო ინსტიტუტის ფსიქიატრიის კათედრის ჯერ ასისტენტი, შემდეგ დოცენტი; ავტორია 50-მდე სამეცნიერო ნაშრომისა; ნ. ვეშაპელის შრომები ეხება ოლიგოფრენიის, ბავშვთა ასაკის შიზოფრენიისა და თეთრი ცხელების საკითხებს; ხელმძღვანელობდა სპეციალიზებულ სამეცნიერო ექსპედიციებში საქართველოში და მის ფარგლებს გარეთ; დაჯილდოებულია მედლებით. ექიმი-ფსიქიატრი, მედიცინის მეცნიერებათა კანდიდატი.

საკანდიდატო დისერტაციის თემა - "ბავშვთა შიზოფრენიის კლინიკის შესახებ", დაიცვა 1937 წელს.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.75-76; ნ. გ. ვეშაპელი ექიმი : ნეკროლოგი // თბილისი. - თბილისი, 1961. - 25 აგვისტო

• 1945 - საქართველოს დამსახურებული ექიმი
• მედალი "ჯანმრთელობის დაცვის ფრიადოსანი"
• ლენინის ორდენი