რუბენ ღირდალაძე

დაბადების ადგილი: სოფელი გამოჩინებული, სამტრედიის რაიონი.

დაამთავრა თბილისის სამედიცინო ტექნიკუმი 1931 წელს; თბილისის სახელმწიფო სამედიცინო ინსტიტუტის სამკურნალო ფაკულტეტი 1936 წელს.

1936-1941წწ. იყო თბილისის სახელმწიფო სამედიცინო ინსტიტუტის ტოპოგრაფიული ანატომიისა და ოპერაციული ქირურგიის ჯერ კათედრის ლაბორანტი, შემდეგ კი - ასისტენტი; მეორე მსოფლიო ომის დაწყების წინ გაწვეულ იქნა სამხედრო-საზღვაო ფლოტის განკარგულებაში და დაინიშნა სამხედრო ნაწილის ჯერ სანიტარული სამსახურის უფროსად, შემდეგ, კი სამხდრო-საზღვაო ფლოტის ერთ-ერთი ჰოსპიტლის ქირურგიული განყოფილების უფროსად; 1946-1949წწ. ქ. ლენინგრადის სამხედრო-საზღვაო სამედიცინო აკადემიის ფაკულტატური ქირურგიის კათედრის ასპირანტი, განაგრძო მუშაობა ქ. ლენინგრადის აღნიშნულ ინსტიტუტში (1957 წლამდე); 1957-1959წწ. ქ. თბილისის რესპუბლიკური ონკოლოგიის დისპანსერის თოროკალური განყოფილების გამგე; 1959-1972წწ. საქართველოს ჯანმრთელობის დაცვის სამინისტროს ონკოლოგიის სამეცნიერო-კვლევითი ინსტიტუტის ქირურგიული განყოფილების გამგე; მისი 80-მდე სამეცნიერო ნაშრომი გამოქვეყნებული იყო როგორც საბჭოურ, ასევე საზღვარგარეთულ ჟურნალებში; მან შექმნა სრულყოფილი ანატომიური პრეპარატი, რომელიც დღესაც კათედრის მუზეუმში ინახება; თავისი პედაგოგის, პროფესორ ა. ვ. მელნიკოვის ხელმძღვანელობით დაამუშავა საკითხი მძიმედ დაჭრილებში ხელოვნური ანუსის შესახებ, შემდეგ დაიცვა საკანდიდატო დისერტაცია ამ საკითხზე; ლენინგრადში დაამუშავა ფრიად აქტუალური თემა - კუჭისა და თორმეტგოჯა ნაწლავის წყლულის ქირურგიული მკურნალობის დროს  დაშვებული შეცდომები და შორეული გართულებები, რაც საფუძვლად დაედო მის სადოქტორო დისერტაციის დამუშავებას ქ. თბილისში; რ. ღინდალაძის ნაყოფიერი მოღვაწეობა თბილისის ონკოლოგიის სამეცნიერო-კვლევით ინსტიტუტში, აისახა სამეცნიერო კრებულებში დაბეჭდილი მრავალი სამეცნიერო ნაშრომით; მისი ოპერაციული წესი შეტანილია კლასიკურ სახელმძღვანელოებებსა და ატლასებში. საქართველოში ონკოლოგიის ინსტიტუტში მოღვაწეობის დროს წლების მანძილზე იყო ონკოლოგიის ინსტიტუტის პარტბიუროს მდივანი; საქართველოს საზოგადოება "ცოდნის" წევრი, ხშირად კითხულობდა ლექციებს "ცოდნის" ხაზით. დაჯილდოებული იყო სახელმწიფო ჯილდოებით. ექიმი - ქირურგი, მედიცინის მეცნიერებათა კანდიდატი (1949), მედიცინის მეცნიერებათა დოქტორი (1964), პროფესორი (1965).

საკანდიდატო დისერტაციის თემა - "სიგმოიდური ნაწლავის ხელოვნური ანუსი ცეცხლსასროლი ჭრილობების დროს", დაიცვა 1949 წელს; სადოქტორო დისერტაციის თემა - "შეცდომები და შორეული გართულებანი კუჭის წყლულოვანი დაავადების დროს, მათი პროფილაქტიკა და მკურნალობა", დაიცვა 1964 წელს.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.145-146

• წითელი ვარსკვლავის ორდენი