ნათელა ქიქოძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1942 წელს.

1942-1943წწ. იყო ქ. თბილისის ექიმთა დახელოვნების სახელმწიფო ინსტიტუტი თერაპიული კლინიკის ორდინატორი; 1942-1946წწ. შეთავსებით იყო საქართველოს რესპუბლიკური რევმატიული დისპანსერის ექიმი-რევმატოლოგი; 1943-1944წწ. თბილისის სახელმწიფო სამედიცინო ინსტიტუტის ევაკოჰოსპიტლის თერაპიული განყოფილების ორდინატორი; 1945-1946წწ. თბილისის სახელმწიფო სამედიცინო ინსტიტუტის ფაკულტატური თერაპიის კათედრის ორდინატორი; 1946-1948წწ. აკადემიკოს მ. წინამძღვრიშვილის სახელობის საქართველოს მეცნიერებათა აკადემიის კლინიკური და ექსპერიმენტული კარდიოლოგიის ინსტიტუტის ფუნქციონალური დიაგნოსტიკის კაბინეტის ექიმი-ლაბორანტი, 1948-1956წწ. კლინიკური სტაციონარის განყოფილების გამგე, 1956-1973წწ. უფროსი მეცნიერ-თანამშრომელი, 1956-1966წწ. სადისპანსერო განყოფილების უფროსი მეცნიერ-თანამშრომელი, 1966-1974წწ. თერაპიული განყოფილების უფროსი მეცნიერ-თანამშრომელი, 1974-1988წწ. არტერიული ჰიპერტონიის განყოფილების გამგე, 1988-1989წწ. ამავე განყოფილების უფროსი მეცნიერ-მუშაკი. არის 85 სამეცნიერო ნაშრომის ავტორი, მათ შორის 55 კარდიოლოგიის დიაგნოსტიკისა და მკურნალობის აქტუალურ საკითხებზე დაბეჭდილი და დანერგილია კლინიკურ პრაქტიკაში; იგი ხელმძღვანელობდა ინსტიტუტის ახალგაზრდა მეცნიერთა მეცნიერულ და პრაქტიკულ მოღვაწეობას, მისი ხელმძღვანელობით შესრულდა რამდენიმე საკანდიდატო დისერტაცია; კითხულობდა ლექციებს არტერიული ჰიპერტონიის დიფერენციალური დიაგნოსტიკისა და მკურნალობის საკითხებზე, ექიმთა კვალიფიკაციის ასამაღლებლად ატარებდა კონსულტაციებს ქალაქის პოლიკლინიკებსა და სხვადასხვა სამკურნალო დაწესებულებებში; ინსტიტუტში მოწყობილ "ღია კარის" დღეზე იყო ქობულეთის, გაგრის პროფილირებული სანატორიუმების კონსულტანტი; მრავალჯერ წარმდგარა მოხსენებით საქართველოსა და უცხოეთის სამეცნიერო შეკრებებზე. დაჯილდოებული იყო მადლობებითა და სიგელებით. ექიმი - კარდიოლოგი, მედიცინის მეცნიერებათა კანდიდატი (1955), მედიცინის მეცნიერებათა დოქტორი (1972).

საკანდიდატო დისერტაციის თემა - "თირკმლების ინფექციური ინფექციური მდგომარეობა ჰიპერტონული დაავადებისა და ექსპერიმენტული ჰიპერტენზიის ზოგიერთი ფორმის დროს", დაიცვა 1955 წელს.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.203-205; ნათელა ქიქოძე : მედიცინის მეცნიერებათა დოქტორი პროფესორი. 1920-1989. ნეკროლოგი // კომუნისტი. - თბილისი, 1989. - 29 ნოემბერი.-გვ.4

• საზოგადოება "ცოდნა", წევრი
• საქართველოს რესპუბლიკის თერაპევტთა საზოგადოება, წევრი
• საქართველოს რესპუბლიკის კარდიოლოგთა საზოგადოება, წევრი

• მედალი "შრომითი მამაცობისთვის"