ირაკლი ლაშხი

დაბადების ადგილი: ქ. თბილისი. 

დაამთავრა თბილისის სახელმწიფო უნივერსიტეტის სამკურნალო ფაკულტეტი 1929 წელს.

1929-1931წწ. განაწილებით მუშაობდა ხობის რაიონში ზოგადი პროფილის ექიმად. 1931-1941წწ. კვალიფიკაციის გავლის შემდეგ მუშაობა დაიწყო ქ. თბილისის რესპუბლიკური საავადმყოფოს (ყოფილი მიხეილის საავადმყოფო) პოლიკლინიკაში ყელ-ყურ-ცხვირის ექიმად. სამამულო ომის დაწყებისთანავე გაიწვიეს ფრონტზე, სადაც გამოიჩინა თავი და დაიმსახურა ჯილდოები. ფრონტზე დაჭრის გამო მოათავსეს წყალტუბოს სამხედრო ჰოსპიტალში, სადაც, განკურნების შემდეგ დაინიშნა ჰოსპიტლის უფროსად. 1945-1986წწ. მუშაობდა საქართველოს რესპუბლიკურ ცენტრალურ კლინიკურ საავადმყოფოში ყელ-ყურ-ცხვირის ექიმად. ექიმი - ოტორინოლარინგოლოგი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.241-243