გოჩა ბაკურაძე

დაბადების ადგილი: ქ. ქუთაისი.

დაამთავრა ქუთაისის ფიზიკა-მათემატიკური საშუალო სკოლა; ქუთაისის N3 სამუსიკო სასწავლებელი; მიიღო უმაღლესი ტექნიკური განათლება ინჟინერ-მექანიკოსის კვალიფიკაციით; უმაღლესი იურიდიული განათლება (სამართალმცოდნეობა); კვალიფიკაცია აიმაღლა ივანე ჯავახიშვილის სახელობის თბილისის სახელმწიფო უნივერსიტეტში სისხლის სამართლისა და სისხლის სამართლის პროცესის კათედრაზე; 2007 წელს გაიარა ჯანდაცვის სერვისის ჰოსპიტალური სექტორის გადამზადების სახელმწიფო სასწავლო პროგრამა.

სხვადასხვა წლებში მუშაობდა ქუთაისის ავტოსატრანსპორტო გაერთიანების სისტემაში პასუხისმგებელ თანამდებობებზე; ასევე საქართველოს შს სამინისტროს სტრუქტურებში ოპერატიულ–სამძებრო სამსახურებში, სხვადასხვა მაღალ თანამდებობებზე; ქ. ქუთაისის ა. წერეთლის სახელობის სახელმწიფო უნივერსიტეტის კრიმინალისტიკის კათედრაზე უფროს მასწავლებლად; ასევე ქუთაისის აეროპორტების გაერთიანების გენერალურ დირექტორად; 2006 წლიდან არის ფსიქიკური ჯანმრთელობის ეროვნული ცენტრის გენერალური დირექტორი. მონაწილეობა აქვს მიღებული სხვადასხვა საერთაშორისო და ადგილობრივ სამეცნიერო კონფერენციებში. მიღებული აქვს სახელმწიფო ჯილდოები. 

წყარო: ისინი ქმნიან ეპოქას: ოქროს წიგნი / დარეჯან სანიკიძე.-თბ.,2016.-გვ.40