თამარ აბრამიშვილი

დაბადების ადგილი: ქ. ჭიათურა.

დაამთავრა თბილისის სახელმწიფო უნივერსიტეტის ჰუმანიტარულ მეცნიერებათა ფაკაკულტეტის ბაკალავრიატი 2009 წელს; მაგისტრატურა 2011 წელს. 

2012 წლიდან მუშაობს ქართული ლიტერატურის ინსტიტუტში ტექნიკურ რედაქტორად; 2024 წლიდან ფოლკლორის განყოფილების მეცნიერ-თანამშრომლად. იგი თანაშემდგენელია ი. ჭავჭავაძის 20 ტომეულის მე-20 საცნობარო ტომისა (2022). მისი ინტერესთა სფერო, ძირითადად, მოიცავს ქართული პოსტმოდერნისტული მწერლობის კვლევას, ქართული კლასიკისა და პოსტმოდერნიზმის ურთიერთმიმართებას, თანამედროვე ლიტერატურული პროცესების ანალიზს, რაც აისახა სამაგისტრო ნამშრომში "კლასიკური ტექსტის რეკონსტრუქცია პოსტმოდერნულ ნარატივში" და სტატიებში "რეალისტური და პოსტმოდერნისტული ლუარსაბი" (2009), "კლასიკური ტექსტის რეკონსტრუქცია პოსტმოდერნულ ნარატივში შოთა რუსთაველის "ვეფხისტყაოსნისა" და აკა მორჩილაძის "ფრიდონიანის" მიხედვით" (2012); ასევე დაინტერესებულია ჯადოსნური და ლიტერატურული ზღაპრის ურთიერთმიმართების საკითხებით, რაც ასახულია სტატიაში "ვაჟა-ფშაველას "უიღბლო იღბლიანის" ხალხურ ზღაპართან მიმართების ზოგიერთი ასპექტი" (2024). იკლევს ქართული ფენტეზისა და ხალხური ზღაპრის ურთიერთმიმართების საკითხს.

წყარო: თბილისის სახელმწიფო უნივერსიტეტი: encyclopedia.tsu.ge