ვალერიან რუსია

დაბადების ადგილი: სოფელი ქოლობანი, აბაშის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1937 წელს.

1937-1938წწ. თბილისის სახელმწიფო სამედიცინო ინსტიტუტის კლინიკის ბავშვთა ქირურგიული განყოფილების ექიმი-ორდინატორი; 1938-1940წწ. ქ. ხაშურის პოლიკლინიკის ექიმი-ქირურგი და ბავშვთა პოლიკლინიკის ექიმი-ქირურგი; 1940-1941წწ. ქ. ხაშურის სასწრაფო დახმარების გამგე; 1941 წლიდან ქ. ხაშურის რაისაავადმყოფოს გამგე და ამავდროულად ქირურგიული განყოფილების და სისხლის გადასხმის ფილიალის გამგე; 1941-1945წწ. ევაკოჰოსპიტლის ქირურგიული განყოფილების უფროსი; 1946-1947წწ. ხაშურის სამედიცინო სასწავლებლის დირექტორი, შეთავსებით - მოზრდილთა პოლიკლინიკის ქირურგი; 1947-1948წწ. სურამის საკურორტო სამმართველოს დირექტორი; 1948-1949წწ. სურამის საექიმო უბნის გამგე; 1949-1958წწ. ხაშურის პოლიკლინიკის ქირურგი; 1958-1976წწ. სურამის ორთოპედია-ტრავმატოლოგიის საავადმყოფოს მთავარი ექიმი, ხოლო შეთავსებით განყოფილების გამგე; მან კვალიფიკაცია აიმაღლა ტრავმატოლოგიაში ქ. თბილისის ექიმთა დახელოვნების სახელმწიფო ინსტიტუტში 1957 წელს; 1958 წელს დააარსა სურამის ორთოპედ-ტრავმატოლოგიური საავადმყოფო და 18 წლის მანძილზე იყო მისი უცვლელი ხელმძღვანელი; მის დამსახურებად ითვლება საავადმყოფოს მატერიალურ-ტექნიკური ბაზის განმტკიცება, სამედიცინო კადრების შერჩევა-დაკომპლექტება და მკურნალობის თანამედროვე, პროგრესული მეთოდების დანერგვა; მისი ორგანიზებით საავადმყოფო აღმოსავლეთ საქართველოს 8 რაიონს უწევდა აქტიურ სამსახურს; ომის შემდეგ დიდი პასუხისმგებლობით ასრულებდა პარტიულ და საზოგადოებრივ დავალებას. დაჯილდოებული იყო მედლებითა და ორდენებით, საპატიო სიგელებითა და მადლობებით. მისი გარდაცვალების შემდეგ დაბა სურამის ორთოპედიულ-ტრავმატოლოგიურ საავადმყოფოს ეწოდა ვ. რუსიას სახელი. მინიჭებული ჰქონდა "პირველი კატეგორიის ტრავმატოლოგ-ორთოპედის" წოდება (1967), ექიმი-ტრავმატოლოგი, ჯანდაცვის ორგანიზატორი საქართველოში.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.315-316

• ევაკოჰოსპიტლის პარტიული ბიურო, მდივანი
• საქართველოს ხაშურის რაიონული ორგანიზაციის კონფერენცია, დელეგატი
• სურამის სადაბო საბჭო, დეპუტატი

• 1971 - შრომის წითელი დროშის ორდენი
• 1967 - საქართველოს დამსახურებული ექიმი
• 1955 - მედალი "ჯანმრთელობის დაცვის ფრიადოსანი"
• 1946 - მედალი "კავკასიის დაცვისთვის"