კლაუდიო დებიაზი

დაბადების ადგილი: ქ. როვერეტო, იტალია.

დაამთავრა კომერციულ-ტექნიკური ინსტიტუტი ვაჭრობა-ეკონომიკის ექსპერტის სპეციალობით; 1973-1980წწ. ვერონასა და ურბინოს უნივერსიტეტებში სწავლობდა უცხო ენების ფაკულტეტებზე.

1983-1988წწ. ტრენტინო–ალტო–ადიჯეში საშუალო და ტექნიკურ სკოლების გერმანული და იტალიური ენების მასწავლებლად მუშაობდა. 1985-1986წწ. სტაჟირებაზე იმყოფებოდა იენის შილერის სახელობის უნივერსიტეტში.
1988 წლიდან ცხოვრობს და მოღვაწეობს საქართველოში. ის იყო ვატიკანის საელჩოს უფლებამოსილი პირი საქართველოში ადმინისტრაციულ საკითხების მოგვარებაში (1990); 2003-2005წწ. ევროპის სავაჭრო პალატის დირექტორთა საბჭოს წევრი იტალიის საელჩომ დანიშნა საქართველოში მყოფი იტალიელი ბიზნესმენების კოორდინატორად (2006). მისი თანაავტორობით გამოიცა იტალიურ–ქართული ლექსიკონის I (1999) და II ტომი (2004). მეცნიერის მონაწილეობით გამოიცა ქართული ენის სახელმძღვანელო იტალიელებისათვის (2002). აქტიურად თანამშრომლობდა თბილისის სახელმწიფო უნივერსიტეტთან დასავლეთ ევროპის წამყვანი უნივერსიტეტების სწავლების ახალი ტექნოლოგიების დანერგვის საკითხებში (2004). საქართველოსა და იტალიას შორის სამეცნიერო-კულტურული კონტაქტების დამყარების, თბილისის სახელმწიფო უნივერსიტეტსა და იტალიის უნივერსიტეტებს შორის თანამშრომლობისა და საქართველოს ევროპასთან ინტეგრაციის პროცესის ხელშეწყობისათვის, მიენიჭა საპატიო დოქტორის წოდება (25. 06. 2007).  

წყარო: თბილისის სახელმწიფო უნივერსიტეტი: encyclopedia.tsu.ge

• ქართულ-იტალიური, იტალიურ-ქართული ლექსიკონი = Dizionario tascabile Georgiano-Italiano, Italiano-georgiano (თანაავტორი). - თბილისი, მერიდიანი, 2015. - 442გვ.. - ISBN: 9789941251108
• ჩაო იტალია! = Ciao Italia! : ქართულ-იტალიური სასაუბრო : ტრანსკრიფციით ქართულად (თანაავტორი). - თბილისი, მერიდიანი, 2013. - 218გვ.. - ISBN: 9789941107887
• ქართულ-იტალიური ლექსიკონი = Dizionario georgiano-italiano : ტრანსკრიფციით იტალიურ ენაზე (თანაავტორი). - თბილისი, მერიდიანი, 2011. - 568გვ.. - ISBN: 9789941103223
• ჩაო ჯეორჯა! = Ciao Georgia! : იტალიურ-ქართული სასაუბრო : : ტრანსკრიფციით იტალიურ ენაზე (თანაავტორი). - თბილისი, თბილისის სპამბა, 2008. - 444გვ.. - ISBN: 9789941002984