მაქს ფონ ტილმანი

დაბადების ადგილი: ქ. ბერლინი, გერმანია.

განათლება მიიღო ბერლინსა და ჰაიდელბერგში.

1864 წელს გახდა საქსო-ბორუსიის კორპორაციის წევრი. დიპლომატიურ სამსახურში შესვლის შემდეგ მსახურობდა გერმანიის საელჩოებში სანქტ-პეტერბურგში, კოპენჰაგენში, ბერნში, ვაშინგტონში, ბრიუსელში, პარიზსა და სტამბოლში. 1886 წელს გახდა გენერალური კონსული სოფიაში. 1888-1894 წლებში იყო პრუსიის დესპანი დარმშტადტში, ჰამბურგსა და მიუნხენში. 1895-1897 წლებში მსახურობდა ელჩად ვაშინგტონში. 1897 წელს მიიწვიეს სახელმწიფო მდივნად იმპერიის ხაზინაში. ეს თანამდებობა ეკავა 1903 წლამდე. 1909 წლიდან იყო პრუსიის ზედა პალატის წევრი. 1872 წელს მაქს ფონ ტილმანმა იმოგზაურა კავკასიაში, სპარსეთსა და ამერიკაში. 1875 წელს კი, გამოსცა წიგნი "მოგზაურობა კავკასიაში, სპარსეთსა და აზიურ თურქეთში", რომელშიც ბევრი მნიშვნელოვანი ცნობაა კავკასიის შესახებ და ღირსეულ ადგილს იკავებს ამ საუკუნის მკვლევარ-მოგზაურთა ჩანაწერების გვერდით. მაქს ფონ ტილმანი წერს შავი ზღვის სანაპიროებზე – სოხუმზე, ფოთზე, გვაცნობს კავკასიაში მცხოვრებ ხალხებს. ცალკე თავად არის გამოყოფილი კავკასიელი მთიელი ხალხის ცხოვრება და წეს-ჩვეულებები. შესწავლილი აქვს ქუთაისი და სამხრეთ საქართველო. მოგზაური ყველაზე მეტად სვანეთმა მოხიბლა. ნაშრომში დეტალურად არის აღწერილი სვანეთის ბუნება, მწვერვალები, სვანი ხალხის ტრადიციები და ხასიათი. მოგზაური. 

წყარო: ამბები საქართველო-გერმანიის ურთიერთობიდან = Stories of Georgian-German relations = Geschichte über georgisch-deutsche Beziehungen / ალბომზე მუშაობდნენ: სალომე ჭანტურიძე, მირიან ხოსიტაშვილი, ოთარ ჯანელიძე [და სხვა].-თბ.,2023.-გვ.134

• საქართველოს შესახებ : XIX ს-ის 70-იანი წლები (ავტორი). - თბილისი, ფავორიტი, 2023. - 232 გვ.