ზურაბ ტიტვინიძე

დაამთავრა საქართველოს პოლიტექნიკური ინსტიტუტის (ამჟამად სტუ) არქიტექტურის ფაკულტეტი არქიტექტორის კვალიფიკაციით 1973 წელს; მოსკოვის სასწავლო ნაგებობათა ცენტრალური, სამეცნიერო-კვლევითი და ექსპერიმენტული პროექტირების ინსტიტუტის (ЦНИИЭП) ასპირანტურა 1983 წელს.

1973-1975წწ. იყო საკავშირო საპროექტო ინსტიტუტის "სახგეოლმშენპროექტი", კავკასიის კომპლექსური განყოფილების  არქიტექტორი; 1971-1977წწ. აკადემიკოს ს. ჯანაშიას სახ. საქართველოს სახელმწიფო მუზეუმის მხატვარ-არქიტექტორი; 1977-1978წწ. თბილისის საქალაქო აღმასრულებელი კომიტეტის კეთილმოწყობის სამმართველოს საპროექტო ბიუროს არქიტექტორი; 1983-1988წწ. საქართველოს პოლიტექნიკური ინსტიტუტის (სპი) არქიტექტურის ფაკულტეტის საპროექტო ბიუროს მთავარი ინჟინერი, უფროსი მეცნიერ-მუშაკი; 1988-1997წწ. საქართველოს ტექნიკური უნივერსიტეტის ექსპერიმენტული, სასწავლო-საპროექტო-სამშენებლო საწარმო (ესსსს) არქიტექტურისა და დიზაინის საპროექტო ბიუროს უფროსი; 1994–2006წწ. სტუ-ის არქიტექტურის ინსტიტუტის დიზაინის №116 კათედრის დოცენტი, პროფესორი; 2006-2009წწ. სტუ-ის არქიტექტურის, ურბანისტიკისა და დიზაინის ფაკულტეტიის "არქიტექტურული მოდელირების" მოდულის ხელმძღვანელი, სრული პროფესორი; 2008-2012წწ. შპს ქართულ-ევროპული სასწავლო უნივერსიტეტის ხელოვნებისა და მეცნიერებათა ფაკულტეტის დეკანი. არქიტექტურული დიზაინის მიმართულების ხელმძღვანელი, სრული პროფესორი; 2009 წლიდან სტუ-ის არქიტექტურის, ურბანისტიკისა და დიზაინის ფაკულტეტის არქიტექტურის საფუძვლების და თეორიის №603 დეპარტამენტის "პლასტიკური არქიტექტურული მოდელირების" დისციპლინის წამყვანი პროფესორი; 2012-2014წწ. საქართველოს ტექნიკური უნივერსიტეტის წარმომადგენლობითი საბჭოს (სენატის) წევრი; 2010 წლიდან საქართველოს ტექნიკური უნივერსიტეტის (სტუ),  არქიტექტურული უზრუნველყოფის დეპარტამენტის უფროსი; საქართველოში და მის ფარგლებს გარეთ გამოცემული პუბლიკაციების, სამეცნიერო სტატიების ავტორი. არის ორასზე მეტი არქიტექტურული და დიზაინერული პროექტის, მათ შორის, რეალიზირებული ობიექტების ავტორი. არქიტექტურის დოქტორი (2004), პროფესორი.

წყარო: არქიტექტორი ზურაბ ტიტვინიძე : ნამუშევართა კატალოგი / ზურაბ ტიტვინიძე.-თბილისი,2018.-გვ.96

• ამერიკელ არქიტექტორთა ინსტიტუტი, წევრი (2006-)
• საქართველოს არქიტექტორთა კავშირი, წევრი (1985-)
• საქართველოს დიზაინერთა კავშირი, წევრი (2000-)
• საქართველოს საინჟინრო აკადემია, ნამდვილი წევრი, მრჩეველი, აკადემიკოსი (2012-)

• 2013 - ღირსების ორდენი