ნიკოლოზ მგელაძე

დაბადების ადგილი: სოფელი სუფსა, ლანჩხუთის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1953 წელს.

1942 წელს დაამთავრა ქ. თბილისის მე-3 სამედიცინო სასწავლებელი ფერშლის სპეციალობით. მონაწილეობდა დიდ სამამულო ომში; 1942-1943წწ. იყო ჩრდილოეთ კავკასიის ფრონტის სან-ინსტრუქტორი; 1943 წლიდან ომის II ჯგუფის ინვალიდი; 1943-1954წწ. ქ. თბილისის ორჯონიკიძის სახელობის რაიონის სახელმწიფო სანიტარული ინსპექტორის თანაშემწე; 1954-1962წწ. ქ. თბილისის მე-8 პოლიკლინიკის მთავარი ექიმი-ეპიდემიოლოგი; 1956-1962წწ. საქდაზღვევის მე-6 საექიმო პუნქტის გამგე; 1962-1972წწ. ორჯონიკიძის სახელობის რაიონის ექიმი-ეპიდემიოლოგი; 1972-1974წწ. რესპუბლიკური საავადმყოფოს ექიმი-სტატისტიკოსი; 1974-1977წწ. ქ. თბილისის ორჯონიკიძის სახელობის რაიონის სანეპიდსადგურის მთავარი ექიმი; 1977-1980წწ. რესპუბლიკური კლინიკური ინფექციური საავადმყოფოს ორგ-მეთოდგანყოფილების სტატისტიკური კაბინეტის გამგე, აქვე (1980-1986) საავადმყოფოს პროფ-კომიტეტის თავმჯდომარე; 1986-1995წწ. რესპუბლიკური კლინიკური ინფექციური საავადმყოფოს სტატისტიკური განყოფილების გამგე; 1995-2001წწ. აქვე- ექიმი-ეპიდემიოლოგი; 1975 წლიდან ქ. ორჯონიკიძის სახელობის სამედიცინო სასწავლებლის პედაგოგი. არაერთხელ დაჯილდოებულა საქართველოს ჯანმრთელობის სამინისტროსა და მედიცინის მუშაკთა რესპუბლიკური კომიტეტის სიგელით, ასევე საკავშირო ვეტერანთა საბჭოს მიერ ორი სიგელით. გამოცდილი პრაქტიკოსი ექიმი-ინფექციონისტი და ეპიდემიოლოგი, სამედიცინო სტატისტიკოსი, ჯანმრთელობის დაცვის ორგანიზატორი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.403-406

• თბილისის ორჯონიკიძის სახელობის რაიონის საბჭო, დეპუტატი
• თბილისის ორჯონიკიძის სახელობის რაიონის სასამართლო, მსაჯული

• მედალი "ჯანმრთელობის დაცვის ფრიადოსანი"
• მედალი "გერმანიაზე გამარჯვებისთვის"
• მედალი "კავკასიის დაცვისთვის"
• სამამულო ომის I ხარისხის ორდენი