კარლ ცაარი

კარლ ცაარის საქართველოში აგებულ არქიტექტურულ ნიმუშს მიეკუთვნება დავით სარაჯიშვილის სახლი, რომლის მშენებლობა 1903-1905 წლებში განხორციელდა. დავით სარაჯიშვილმა მამის დანატოვარი სახლის დანგრევა და ახალი სახლის აშენება გადაწყვიტა, რისთვისაც გერმანიიდან არქიტექტორი კარლ ცაარი მოიწვია. მასთან ერთად მუშაობდნენ თბილისელი არქიტექტორები – ალექსანდრე ოზეროვი და კორნელი ტატიშჩევი. კარლ ცაარს ეკუთვნის ფორაქიშვილების დარბაზის ინტერიერის ჩანახატი, რომელიც, სავარაუდოდ, 1902 წელს არის შესრულებული და ქართული საცხოვრისის ერთ-ერთ გამორჩეულ ნიმუშს წარმოადგენს.

წყარო: ამბები საქართველო-გერმანიის ურთიერთობიდან = Stories of Georgian-German relations = Geschichte über georgisch-deutsche Beziehungen / ალბომზე მუშაობდნენ: სალომე ჭანტურიძე, მირიან ხოსიტაშვილი, ოთარ ჯანელიძე [და სხვა].-თბ.,2023.-გვ.192-193; გერმანელი არქიტექტორები თბილისში = German Architects in Tbilisi / მაია მანია ; რედაქტორი დიმიტრი თუმანიშვილი ; ინგლ. თარგმანი ნინო მატარაძე ; დიზაინი გიორგი დემეტრაშვილი. თბილისი, 2018 (შპს "სეზანი").