გულჩინა კუჭავა

დაამთავრა თბილისის სახელმწიფო უნივერსიტეტის ქიმიის ფაკულტეტი ანალიზური ქიმიის სპეციალობით1980 წელს; მოსკოვის ვ. ი. ვერნადსკის სახელობის გეოქიმიისა და ანალიზური ქიმიის ინსტიტუტის ასპირანტურა.

1974-2005წწ. ამიერკავკასიის რეგიონალური სამეცნიერო-კვლევითი ჰიდრომეტეოროლოგიის ინსტიტუტი, წყლისა და ნიადაგის ლაბორატორია, ლაბორანტი, ინჟინერი, უმცროსი მეცნიერ-თანამშრომელი, უფროსი მეცნიერ-თანამშრომელი, ლაბორატორიის გამგე; 2005-2019წწ. გარემოს ეროვნული სააგენტო, გარემოს დაბინძურების მონიტორინგის დეპარტამენტის ატმოსფერული ჰაერის, წყლისა და ნიადაგის ანალიზის ლაბორატორია, მთავარი სპეციალისტი (ხარისხის მენეჯერი); 2005 წლიდან საქართველო ტექნიკური უნივერსიტეტის ჰიდრომეტეოროლოგიის ინსტიტუტი, ბუნებრივი გარემოს დაჭუჭყიანების მონიტორინგის და პროგნოზირების განყოფილება, მეცნიერ-თანამშრომელი; 2005-2017წწ. მონაწილეობდა ისეთ საერთაშორისო პროექტებში როგორიცაა: NATO სამეცნიერო პროგრამა–სამხრეთ კავკასიის მდინარეთა მონიტორინგის პროექტი; "DEMMS" საქართველო-ფინეთის პროექტი–გარემოს მონიტორინგისა და მართ­ვის სისტემების განვითარება საქართველოში; TACIS – ევროკავშირის პროექტი: ტრანს-სასაზღვრო მდინარეთა მართვა მდ. მტკ­ვ­რის აუზისათვის – სომხეთი, საქართველო, აზერბაიჯანი; საქართველოს წყლები – "წყლის მონიტორინგის და მენეჯმენტის სიტემე­ბის დანე­რგვა საქართველოში" - საქართველო-ფინეთის პროექტი; "საქართველოში რისკის ქვეშ მყოფი წყლის ობიექტების წყლის დაცვის გაძლიერება ჩამდინარე წყლების ხარისხის მაკონტროლებელი სისტემისა და მონიტორინგის მეშვეობით". არის 2024 წელს შოთა რუსთაველის ერ­ო­ვნული სამეცნი­ე­რო ფონდის FR-23–6375 ფუნდამენტური კვლევების გამარჯვებული გრანტის "ჭიათურის მუნიციპალიტეტის ეკოსისტემების და სასურსათო პროდუქტების მანგანუმით დაბინძურებისა და სტიქიური მოვლენების რისკების მინიმიზაცია ნიადაგის დეგრადაციის შემცირების მიზნით"- სამეცნიერო ხელმძღვანელი. 100-ზე მეტი სამეცნიერო ნაშრომის ავტორი. ქიმიის აკადემიური დოქტორი. 

წყარო: საქართველოს ტექნიკური უნივერსიტეტის ჰიდრომეტეოროლოგიის ინსტიტუტის ვებგვერდი: my.gtu.ge

• ქვემო ქართლის ეკოსისტემების დაბინძურების კვლევა და მისი გავლენა სასურსათო პროდუქტების უვნებლობაზე : მონოგრაფია (თანაავტორი). - თბილისი, უნივერსალი, 2023. - 300გვ.. - ISBN: 9789941334498
• გეოგრაფია გლობალურ კონტექსტში: მიღწევები და გამოწვევები = Geography in Global Context: Achievements and Challenges : შრომათა კრებული (თანაავტორი). - ქუთაისი, აკაკი წერეთლის სახელმწ. უნ-ტის გამ-ბა, 2017. - 490გვ.. - ISBN: 9789941904325
• ალაზნის ველის ნიადაგების დეგრადაციის საკითხები კლიმატის თანამედროვე ცვლილების ფონზე : მონოგრაფია (თანაავტორი). - თბილისი, უნივერსალი, 2014. - 182გვ.. - ISBN: 9789941222498