ტროიცკი ს.

ბათუმის ჰოსპიტალს ხელმძღვანელობდა ს. პ. ტროიცკი, ბათუმის ექიმთა საზოგადოების ერთ-ერთი აქტიური წევრი. ყურადღებას იქცევს მისი მოხსენებები ჰიგიენისა და სანიტარიის საკითხებზე, განსაკუთრებით საშიშ ინფექციებზე და ა.შ. ს. პ. ტროიცკი არის ავტორი კაპიტალური ნაშრომებისა "სისხლიანი ფაღარათი" (1905), "სოციალურ-ქირურგიული ეტიუდი" (1908), "ბათუმის გარნიზონში მალარიით დაავადებიანობა ბოლო 5 წლის მანძილზე" და სხვ. იმის გამო, რომ ბათუმის სამხედრო ჰოსპიტალი თავისი საშუალებებით ვერ იტევდა ავადმყოფებს, ს. პ. ტროიცკიმ წამოაყენა ზღვის სანაპიროზე, ბურუნთაბიესთან ბარაკების აშენების წინადადება. აქ უნდა მოთავსებულიყო ერთდროულად 100 მალარიით დაავადებული ავადმყოფი, სრულ განკურნებამდე, ე.ი. ექვსი კვირის განმავლობაში. გაურკვეველი მიზეზებით ეს წინადადება არ განხორციელდა. 

წყარო: რეგიონული მედიცინის განვითარება საქართველოში : (აჭარის მაგალითზე...). წ. 1, [... უძველესი დროიდან 1945 წლამდე] / რამაზ სურმანიძე.-ბათუმი,2001.-გვ.82