ლიანა ქართველიშვილი

დაბადების ადგილი: ქ. თბილისი.

დამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი მეტეოროლოგია, კლიმატოლოგიის სპეციალობით 1971 წელს; ივანე ჯავახიშვილის სახელობის თბილისის სახელმწიფო უნივერსიტეტის დოქტურანტურა 1999 წელს.

1972-1985წწ. იყო ამიერკავკასიის ზონალურ-ექსპერიმენტალური დაპროექტების სამეცნიერო-კვლევითი ინსტიტუტის სამშენებლო ფიზიკის განყოფილების უფროსი მეცნიერ-თანამშრომელი; 1985 წლიდან გარემოს ეროვნული სააგენტოს ჰიდრომეტეოროლოგიის დეპარტამენტის ზოგადი და გამოყენებითი კლიმატოლოგიის განყოფილების განყოფილების უფროსი; 1999 წლიდან საქართველოს ტექნიკური უნივერსიტეტის ჰიდრომეტეოროლოგიის ინსტიტუტის კლიმატოლოგიისა და აგრომეტეოროლოგიის განყოფილების უფროსი მეცნიერ-თანამშრომელი. მის სამეცნიერო კვლევის სფეროს წარმოადგენს: ტურიზმი, კლიმატი, გარემოს დაცვა, ეკოტურიზმი, კურორტოლოგია; მის მიერ საქართველოში პირველად განსაზღვრა შენობების ირიბი წვიმების ზემოქმედებისაგან დაცვის რეკომენდაციები. სამეცნიერო მოღვაწეობასთან ერთად ეწევა პედაგოგიურ მოღვაწეობას. იყო შავი ზღვის უნივერსიტეტის მიწვეული ლექტორი. გამოქვეყნებული აქვს  90 სამეცნიერო ნაშრომი, არის 10 მონოგრაფიის ავტორი. გეოგრაფიის მეცნიერებათა დოქტორი (1999). საკანდიდატო დისერტაციის თემა - "ირიბი წვიმების განაწილებათა დახასიათება საქართველოს პირობებში", დაიცვა 1982 წელს; სადოქტორო დისერტაციის თემა - "კომპლექსური კლიმატური პარამეტრების განაწილებათა კანონზომიერებანი საქართველოს ტერიტორიაზე და მათი სამშენებლო პრაქტიკაში გამოყენების პერსპექტივები", დაიცვა 1999 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.259-260; საქართველოს ტექნიკური უნივერსიტეტის ჰიდრომეტეოროლოგიის ინსტიტუტის ვებგვერდი: my.gtu.ge

• საქართველოს გეოგრაფიული საზოგადოება, წევრი (1972-)

• საქართველოს ბუნებრივი რესურსები : სახელმძღვანელო-მონოგრაფია (რედაქტორი). - თბილისი, სამშობლო, 2025. - 268გვ.. - ISBN: 9789941994579
• სამედიცინო გეოგრაფია : სახელმძღვანელო - მონოგრაფია (თანაავტორი). - თბილისი, სამშობლო, 2025. - 357გვ.. - ISBN: 9789941994555
• ამინდის და კლიმატის შესწავლა ანსამბლური მეთოდის გამოყენებით მთის მდგრადი განვითარებისათვის = Study of weather and climate using the ensemble method for the mountain sustainable development : მონოგრაფია (თანაავტორი). - თბილისი, სამშობლო, 2024. - 270გვ.. - ISBN: 9789941988479
• გურიაში ტურიზმის განვითარების სტრატეგია = Tourism Development Strategy of Guria, 2019-2025 (ავტორი). - თბილისი, 2022. - 82გვ.
• სეტყვისა და ელჭექური პროცესების დინამიკა და სტატისტიკური განაწილება საქართველოში კლიმატის გლობალური ცვლილების ფონზე : მონოგრაფია (ავტორი). - თბილისი, მწიგნობარი, 2018. - 146გვ.. - ISBN: 9789941473722
• საქართველოში კლიმატის ცვლილების გათვალისწინებით ახალი სამშენებლო კლიმატური ნორმების დადგენა : ლექციების კურსი (თანაავტორი). - თბილისი, მწიგნობარი, 2018. - 158გვ.. - ISBN: 9789941473609
• კომპლექსური კლიმატური პარამეტრების გათვალისწინება მშენებლობაში : მონოგრაფია (ავტორი). - თბილისი, ბაკურ სულაკაურის გამ-ბა, 2001. - 154გვ.