ალექსი ანდრიაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1940 წელს.

1940-1946წწ. გაიწვიეს სამხედრო სამსახურში. 1940-1943წწ. მუშაობდა სანინსტრუქტორთა სკოლის ლექტორად ინფექციურ, შინაგან და ფიზიოლოგიურ დისციპლინებში ქალაქებში: თბილისი, ლენინაკანი, ბაქო; 1943-1946წწ. ამიერკავკასიის სამხედრო საოლქო 367-ე ევაკოჰოსპიტლის ოფიცერთა თერაპიული განყოფილების ორდინატორად; 1946-1957წწ. საქართველოს მეცნიერებათა აკადემიის აკადემიკოს მ. წინამძღვრიშვილის სახელობის კლინიკური და ექსპერიმენტული კარდიოლოგიის სამეცნიერო-კვლევითი ინსტიტუტის ფარმაკოლოგიის განყოფილების უმცროს მეცნიერ-თანამშრომლად; 1959-1965წწ. აქვე, კლინიკური განყოფილების მეცნიერ-თანამშრომელად; 1965-1966წწ. აქვე სამეცნიერო პოლიკლინიკური განყოფილების გამგის მოვალეობის შემსრულებლად, ამავე განყოფილების გამგედ (1966-1974); 1974-1977წწ. სირიის დასავლეთის 4 რაიონის ექიმად, სადაც საბჭოთა სპეციალისტების მიერ მიმდინარეობდა წყლის რესურსების შესწავლა; 1977-1979წწ. იყო აკადემიკოს მ. წინამძღვრიშვილის სახელობის კლინიკური და ექსპერიმენტული კარდიოლოგიის სამეცნიერო-კვლევითი ინსტიტუტის სამეცნიერო-პოლიკლინიკური განყოფილების ხელმძღვანელი; 1979-1985წწ. საკონსულტაციო პოლიკლინიკის ექიმი - კარდიოლოგი. არის 15 სამეცნიერო ნაშრომის ავტორი, რომელთა შორის 1 გამოგონებაა - "ვენა ფიქსატორის შესახებ". აქტიურად იყო ჩაბმული ინსტიტუტის საზოგადოებრივ საქმიანობაში, სამჯერ მიიღო მონაწილეობა სამეცნიერო ექსპედიციებში, ჰიპერტონიული დაავადების გავრცელების შესწავლის მიზნით. ექიმი-თერაპევტი, მედიცინის მეცნიერებათა კანდიდატი (1954), დამსახურებული პენსიონერი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.529-530