ვლადიმერ მახვილაძე

დაბადების ადგილი: ქ. თბილისი.

დაამთავრა ქ. ხარკოვის უნივერსიტეტის სამედიცინო ფაკულტეტი თერაპევტის სპეციალობით 1896 წელს.

1896-1914წწ. ქ. თბილისის მიხეილის სახელობის საავადმყოფოს ორდინატორი. ქ. თბილისის წმინდა ნინოს სახელობის მე-14 ქართული ლაზარეთის მთავარი ექიმი (ლაზარეთი განთავსებული იყო სახელმწიფო უნივერსიტეტის მთავარ შენობაში და ემსახურებოდა პირველ მსოფლიო ომში დაჭრილ მეომრებს); 1917 წლიდან ქ. სოხუმის საავადმყოფოს ორდინატორი. ახლად დამთავრებული ექიმი, უანგაროდ ეწეოდა პედაგოგიურ საქმიანობას - უკითხავდა ლექციებს ჰიგიენაში ქ. თბილისის "საზაფხულო პედაგოგიკის კურსების მსმენელ ქალ-ვაჟთ". ცნობილია მისი მეგობრობა ვაჟა-ფშაველასა და ცნობილ კომპოზიტორთან ზაქარია ფალიაშვილთან. პრაქტიკოსი ექიმი-თერაპევტი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.535-537