კახაბერ ყალიჩავა

დაბადების ადგილი: ქ. სოხუმი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორიის საბაკალავრო პროგრამა 2013 წელს; ამავე უნივერსიტეტის ახალი და უახლესი ისტორიის სამაგისტრო პროგრამა 2015 წელს.

2015–2019 წლებში სწავლობდა თსუ-ს ისტორიის სადოქტორო პროგრამაზე. მისი სადისერტაციო ნაშრომი: "კოსოვო, აფხაზეთი, ცხინვალის რეგიონი: კონფლიქტების ისტორიულ-შედარებითი ანალიზი" - მიეძღვნა თანამედროვე სეპარატისტული და პოსტსაბჭოთა კონფლიქტების შედარებით კვლევას. კვლევის ფარგლებში, პოლონურ საერთაშორისო სამეცნიერო ჟურნალში: Warsaw East European Review გამოქვეყნებული სტატია: "Between Kosovan and Georgian Breakaway Regions’ Conflicts. Historical Analysis of the Differential Aspects of these Conflicts in the Post-Soviet Period"  - 2018 წელს დაჯილდოვდა წინანდლის პრემიით ჰუმანიტარული მეცნიერებების მიმართულებით. საბოლოოდ, სადისერტაციო კვლევა 2021 წელს გამოიცა მონოგრაფიის სახით, ქართულ ენაზე, შოთა რუსთაველის საქართველოს ეროვნული სამეცნიერო ფონდის ფინანსური მხარდაჭერით; 2025 წელს წიგნის ინგლისურენოვანი თარგმანი გამოიცა ვაშინგტონში. სამეცნიერო საქმიანობის პარალელურად, აქტიურად მუშაობს საგანმანათლებლო სფეროში. 2018 წლიდან არის ივანე ჯავახიშვილის სახელობის თბილისის სახელმწიფო უნივერსიტეტის მოწვეული ლექტორი, სადაც ახალი და უახლესი ისტორიის მიმართულებით, სამაგისტრო საფეხურზე კითხულობს სალექციო კურსებს, როგორც ქართულენოვანი, ისე უცხოელი სტუდენტებისთვის; ამავდროულად, 2017 წლიდან იგი არის საერთაშორისო ბაკალავრიატის (IBDP) ისტორიისა (History) და გლობალური პოლიტიკის (Global Politics) პედაგოგი "ახალ სკოლაში" (New School International School of Georgia), ასევე საერთაშორისო ბაკალავრიატის პროგრამის ეგზამინატორი ისტორიისა და გლობალური პოლიტიკის საგნების მიმართულებებით. ისტორიის დოქტორი.

• 2018 - წინანდლის პრემიის ლაურეატი

• Timeless turmoil : a comparative history of the conflicts in Kosovo, Abkhazia, and the Tskhinvali region (ავტორი). - Washington ; London, Academica Press, 2025. - 281p.. - ISBN: 9781680535716
• აფხაზეთი საქართველოა : ისტორიული რაკურსი (ავტორი). - თბილისი, შოთა რუსთაველის საქართველოს ეროვნული სამეცნიერო ფონდი, 2021. - 702გვ.. - ISBN: 9789941259692
• კოსოვო, აფხაზეთი, ცხინვალის რეგიონი : თანამედროვე კონფლიქტების ისტორიულ-შედარებითი ანალიზი : მონოგრაფია (ავტორი). - თბილისი, 2021. - 320, [24] გვ.. - ISBN: 9789941839177
• Why Abkhazia is Georgia : A true history / Sukhumi State University ; Grant project executors: Zurab Papaskiri, Zurab Khonelidze, Lia Akhaladze [et al.] ; Editor Zurab Papaskiri ; English translation: Teimuraz Papaskiri, with participation of Kakha Kvashilava and Kakhaber Kalichava ; Editor of english book Teimuraz Papaskiri (თანაავტორი). - Tbilisi, Shota Rustaveli National Foundation, 2021. - 412p.. - ISBN: 9789941259708
• რუსეთ-საქართველოს 2008 წლის ომი ქართულ და ინგლისურენოვან ლიტერატურაში (ავტორი). - თბილისი, მერიდიანი, 2016. - 300გვ.. - ISBN: 9789941250132